ច្បាស់ខ្លាំងណាស់ថាប្ដីកំពុងមានស្រីក្រៅ បើមានសញ្ញាទាំងនេះ

2019-02-13 03:00:00
ចំនួនមតិ 0 | ចំនួនចែករំលែក 0

បើប្រៀបនឹងមនុស្សស្រី ទោះមនុស្សប្រុសឆ្លាតយ៉ាងណាក៏មិនអាចវ៉ាមុខមនុស្សស្រីបានដែរ។ ខាងក្រោមនេះគឺជាសញ្ញាដែលបង្ហាញថា គេកំពុងមានអ្នកទី៣ខាងក្រៅហើយ។

១. យកចិត្តប្រពន្ធជាងមុន

នៅសុខៗស្រាប់តែអ្នកបានប្ដីជូនកាដូនោះ កុំទាន់អាលអរ នេះអាចមកពីមិនមែនគេស្រលាញ់អ្នកជាងមុនទេ គេគ្រានតែធ្វើដូចនេះដើម្បីប៉ះប៉ូវឲ្យអ្នក ដើម្បីកុំអ្នកសង្ស័យ និងកុំឲ្យគេក្រែងចិត្តខ្លាំងពេកតែប៉ុណ្ណោះ។

២. ឆេវឆាវដាច់ក្បាលដាច់កន្ទុយ

ស្រាប់តែក្ដៅចិត្ត មួម៉ៅគ្មានមូលហេតុ សុទ្ធតែមានដើមទងរបស់វាទាំងអស់។ ដល់ពេលសួរថា មកពីមូលហេតុអ្វី គេតែងទម្លាក់កំហុសឲ្យរឿងណាណីឆ្កុយទៅវិញ។ ពេលខ្លះគេយកលេសតប់ប្រមល់ដើម្បីចេញក្រៅលំហែលំហើយ តែអាចទៅជួបស្រីញីច្រើនជាង។

៣. ទម្លាប់ជួបជុំញ៉ាំអាហារ និងរឿងលើគ្រែរបស់គេផ្លាស់ប្ដូរ

ខណៈកាលពីមុន គេតែងមកវិញញ៉ាំបាយជុំគ្នាជាមួយគ្រួសារនោះ នៅពេលនេះគេអាចបាយខាងក្រៅហើយ ទើបមកផ្ទះក៏មាន។ រីឯរឿងលើគ្រែនោះ គេអាចលែងសូវរវីរវល់ក៏ថាបាន ព្រោះមានហូបចុកខាងក្រៅហើយ។

៤. ស្រាប់តែគេត្រូវការពេលវេលាផ្ទាល់ខ្លួនច្រើន

កាលពីមុនមកផ្ទះវិញ គឺគេអាចលេងជាមួយកូន ឬជជែកគ្នាជាមួយអ្នក តែពេលនេះ គេបែរជាថា សុំពេលឯកជនដើម្បីបង្ហើយការងារទៅវិញ។ តាមការពិត ពេលនេះគេអាច យកមកនិយាយទូសព្ទ ឬឆាតនឹងអ្នកទី៣ច្រើនជាង។ មិនត្រឹមតែប៉ុណ្ណោះ គេអាចចេញពីផ្ទះពីព្រលឹម ដល់យប់ព្រលប់ទើបមកវិញ ដែលពីមុនមិនមែនដូច្នេះឡើយ៕