លោកយាយអាយុជិត ៦០ ឆ្នាំ តែស្អាតដូចក្រមុំបង្ហើបគន្លឹះរក្សាសម្រស់ និងសុខភាព

2019-02-11 06:00:00
ចំនួនមតិ 0 | ចំនួនចែករំលែក 0

បើមិននិយាយ មនុស្សជាច្រើនប្រាកដជាមិនជឿថា អ្នករាំមកពីកោះតៃវ៉ាន់រូបនេះ មានវ័យ៥៩ឆ្នាំទៅហើយ តែរូបរាង និងសម្រស់វិញ ក្រមុំខ្លះអាចសុំខ្មាស។

កើតឆ្នាំ ១៩៥៨ បច្ចុប្បន្នអ្នករាំអាជីព Yang Li Ping មកពីកោះតៃវ៉ាន់ នៅតែឈរលើកំពូលដដែលបើប្រៀបនឹងអ្នករាំរួមជំនាន់របស់លោកស្រី។ មិនត្រឹមតែប៉ុណ្ណោះ បើគ្រាន់ក្រឡេកមើល ពិបាកជឿណាស់ថា លោកស្រីជិតឈានចូលវ័យ៦០ឆ្នាំហើយនោះ។

ឆ្លើយតបនឹងការសួរជាច្រើនរបស់ទស្សនិកជន លោកស្រីបានតិចនិកខ្លះៗដើម្បីថែរក្សាសម្រស់ក៏ដូចជាសុខភាពរបស់ខ្លួន។ គន្លឹះទី១ដើម្បីរាងឲ្យស្វែលដូចក្រមុំនោះគឺ លោកស្រីមិនបរិភោគអ្វីដែលធ្វើឡើងពីម្សៅទាំងអស់ សូម្បីតែបាយមួយគ្រាប់ក៏មិនញ៉ាំដែរ។

ទី២ អាហារពេលថ្ងៃរបស់លោកស្រីរួមមាន សាច់មួយប្រអប់តូច ទឹកស៊ុបមួយចាន និងផ្លែប៉ោមមួយផ្លែ។ អាហារពេលល្ងាចរួមមានសាច់គោ២ ខាំ ប៉ោម២ផ្លែ និងមិនញ៉ាំអ្វីទាំងអស់ក្រោយម៉ោង៥ ល្ងាច។

ទី៣ លោកស្រីតែផឹកតែបៃតងជាប្រចាំ ដើម្បីបំប៉នស្បែករបស់ខ្លួន។ យោងតាមអ្នករាំម្នាក់នេះ តែបៃតងជួយឲ្យនាងមើលទៅក្មេងវ័យ និងមិនឡើងទម្ងន់។ ចុងបញ្ចប់នោះគឺ លំហាត់ប្រាណ។ ក្រៅពីក្បាច់រាំដែលត្រូវហាត់រាល់ថ្ងៃ លោកស្រីក៏មានលំហាត់ប្រាណសមរម្យសម្រាប់ខ្លួនឯងជាប្រចាំថ្ងៃផងដែរ។ បន្ថែមពីនេះ គឺការទទួលទានសាប ដោយមិនប្រើគ្រឿងទេសច្រើននោះទេ៕

ចុចអាន៖ទម្លាប់ ៧យ៉ាងរបស់នារីៗដែលធ្វើឲ្យជើងធំ ខូចរាងដោយមិនដឹងខ្លួន

ប្រភព៖ webtretho អត្ថបទ៖Caramel