របស់មានតម្លៃ ៤ យ៉ាង ដែលអ្នកត្រូវរក្សាពេញមួយជីវិត
- 2019-02-11 04:30:00
- ចំនួនមតិ 0 | ចំនួនចែករំលែក 0
របស់មានតម្លៃ ៤ យ៉ាង ដែលអ្នកត្រូវរក្សាពេញមួយជីវិត
ប្រសិនបើមនុស្សយើងចេះទស្សន៍ទាយ ប្រាកដជាចង់ដឹងថា តើថ្ងៃណាទៅដែលខ្លួនអាចនឹងបាត់បង់ជីវិតពីលើលោកដ៏ធំធេងមួយនេះ? បើពិតដូច្នោះមែន អ្នកច្បាស់ជាគិតដល់ទង្វើដែលចង់ធ្វើ នាដង្ហើមចុងក្រោយ។ គ្មាននរណាអាចដឹងមុនបានឡើយ ទាន់ជីវិតនៅមាន ត្រូវសាងអំពើល្អកុំចាំស្អែក រស់នៅដោយចិត្តបុណ្យ សប្បាយរីករាយ ហើយមិនត្រូវភ្លេចថែរក្សារបស់សំខាន់មានតម្លៃ ៤យ៉ាង មុននឹងអ្នកបិទភ្នែកទៅជារៀងរហូត។
១. ថែរក្សាខ្លួនប្រាណ និងសុខភាពឲ្យបានល្អ ព្រោះមានតែរូបរាងកាយនេះហើយ ដែលនឹងនៅជាមួយអ្នករហូតដល់ថ្ងៃស្លាប់។ មានលុយច្រើនកប់ពពក ក៏មិនអាចទិញសុខភាព ឬជួលអ្នកផ្សេងមកមើលថែ ឲ្យបានល្អដូចជាខ្លួនអ្នកនោះឡើយ។
២. ថែរក្សាស្នេហារវាងប្តីប្រពន្ធឲ្យបានគង់វង្សយូរអង្វែង ព្រោះវាជាផ្នែកមួយនៃជីវិត ហើយអ្នកនឹងក្លាយជាដៃគូដ៏ល្អនាពេលអនាគត និងពេលចាស់កោងខ្នង។
៣. ថែរក្សាមិត្តល្អៗ ដែលធ្លាប់រាប់អានគ្នា ស្និទ្ធស្នាលស្មោះត្រង់ពីមុនមក។ មនុស្សល្អមិនអាចរកបានងាយៗឡើយ បើជួបហើយសូមរក្សាទំនាក់ទំនងមិត្តភាពឲ្យបានរឹងមាំ។
៤. ថែរក្សាតម្លៃរបស់ខ្លួន និងធ្វើជាគំរូល្អ ដល់ក្មេងជំនាន់ក្រោយ បន្សល់ទុកនូវកេរ្តិ៍ឈ្មោះដែលគួរយកតម្រាប់តាម ដោយអនុវត្តនូវវិធីដូចខាងក្រោម៖
ស្តាប់ហេតុផលគំនិតយោបល់ពីមនុស្សជុំវិញខ្លួន
ធ្វើខ្លួនជាមនុស្សដែលគួរឲ្យគេគោរព មិនមែនគេខ្លាច
ធ្វើទង្វើល្អចេញពីចិត្ត មិនមែនសម្តែង
ផ្តល់ក្តីស្រលាញ់ មិនចងកំហឹងនិងគំនុំ
មិនបោះបង់ចោលក្តីស្រមៃ
គិតពិចារណា មុនហាស្តី មិនមែននិយាយឲ្យតែរួចពីមាត់
មានចិត្តសប្បុរស ចេះចែករំលែក
មិនកំណាញ់ស្វិត ចង់ប្រមូលទ្រព្យទុកតែឯង
ប្រើជីវិតរស់នៅឲ្យមានប្រយោជន៍
ធ្វើខ្លួនជាដើមឈើធំ ដែលអាចផ្តល់ម្លប់ដល់គេឯង អាចជ្រកក្រោមបាន
មិនត្រូវឲ្យអាយុច្រើនតែតួលេខ ប៉ុន្តែត្រូវមានភាពចាស់ទុំគួបផ្សំ។
ចុចអានបន្ត៖ គំនិតល្អៗ ជួយឲ្យអ្នកប្រើជីវិតរស់នៅស្រស់ស្រាយរាល់ថ្ងៃ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
