តើកូនៗពិតជាស្រលាញ់ម្ដាយខ្លាំងជាងស្រលាញ់ឪពុកមែនទេ?

2019-02-08 08:00:00
ចំនួនមតិ 0 | ចំនួនចែករំលែក 0

រឿងនេះវាអាស្រ័យលើឪពុកម្ដាយដែរ។ មានន័យថា នៅក្នុងគ្រួសារល្អមួយទាំងឪពុកម្ដាយស្រលាញ់កូនៗរបស់ពួកគេស្មើៗគ្នា ឬតាមរបៀបផ្សេងៗ។ ទាំងនេះជាគឺបទពិសោធន៍មួយចំនួនដែលធ្វើឲ្យកូនៗមានអារម្មណ៍ស្និទ្ធជាមួយម្ដាយខ្លាំងជាងឪពុក។ ប៉ុន្តែភាគច្រើនគឺកូនៗពិតជាស្និទ្ធជាមួយម្ដាយខ្លាំងមែន ព្រោះហេតុផលទាំងនេះ៖

១.បុរសរវល់ជាមួយការងារច្រើនហើយគ្មានពេលមកនែបនិត្យជាមួយកូន ប៉ុន្តែមានសន្តិសុខយូរអង្វែងដើម្បីផ្ដល់ឲ្យកូនៗ និងគ្រួសារ។ តែក្មេងៗមិនសូវយល់ពីបញ្ហានេះឡើយ សម្រាប់ម្ដាយវិញ បើទោះជាធ្វើការហត់នឿយយ៉ាងណាពេលបាននៅក្បែរកូនតែងបញ្ចេញភាញទន់ភ្លន់ និងថ្នាក់ថ្នមកូនរហូត។

២.ម្ដាយល្អប្រសើរជាងនរណាទាំងអស់ក្នុងលោក។ កុមារជាទូទៅពណ៌នាអំពីម្ដាយរបស់ពួកគេមានលក្ខណៈវិជ្ជមាន។ ជាទូទៅកុមារមានអារម្មណ៍ថាពួកគេមានបញ្ហាកាន់តែច្រើនជាមួយឪពុកពួកគេ។ ដោយសារតែក្មេងៗមានទំនាក់ទំនងជាមួយម្ដាយរបស់ពួកគេ ហើយក៏ដឹងពីម្ដាយ របស់ខ្លួនកាន់តែប្រសើរ ហើយពឹងផ្អែកលើម្ដាយ ដើម្បីទទួលបានការគាំទ្រ។ ឪពុកនៅតែមានអាថ៌កំបាំងខ្លះៗសម្រាប់ក្មេងៗជាច្រើន។

រូបតំណាង

**៣**.ឪពុកអាចមានវត្តមានរាងកាយ ប៉ុន្តែមិនមានអារម្មណ៍។ ពេលដែលមានឪពុកនៅជិតក្មេងៗនៅតែគ្មានទំនាក់ទំនងជិតស្និទ្ធជាមួយ។ ក្មេងៗត្អូញត្អែរអំពីឪពុករបស់ពួកគេថា មិនបានផ្ដោតអារម្មណ៍ជាមួយខ្លួន ដោយគិតពីមើលទូរទស្សន៍ ប្រើទូរសព្ទ ឬដេកលក់ធ្វើមិនដឹង។

៤.មានភាពងាយស្រួលក្នុងការនិយាយជាមួយម្ដាយ។ កុមារជាធម្មតានិយាយថា ពួកគេនឹងប្រាប់បញ្ហាទៅមិត្តភ័ក្ដិ ឬនិយាយជាមួយម្ដាយ កម្រជាឪពុកណាស់។ ក្មេងៗត្អូញត្អែរថា ឪពុកមិនយល់ពីអារម្មណ៍របស់ពួកគេប្រតិកម្មលើស ឬកាត់បន្ថយការព្រួយបារម្ភរបស់ពួកគេ៕