រឿងសម្ងាត់ ១០ យ៉ាង ដែលស្រីៗធ្វើតែលាក់មិនហ៊ានឲ្យគេដឹង
- 2019-02-07 05:30:00
- ចំនួនមតិ 0 | ចំនួនចែករំលែក 0
រឿងសម្ងាត់ ១០ យ៉ាង ដែលស្រីៗធ្វើតែលាក់មិនហ៊ានឲ្យគេដឹង
ជាទូទៅមនុស្សស្រីសំបូររឿងសម្ងាត់ច្រើនណាស់ ដែលលាក់មិនហ៊ាននិយាយចេញឲ្យគេដឹង ជាពិសេសពេលនៅម្នាក់ឯងតែម្តង។ ពួកគេតែងធ្វើរឿងប្លែកៗ ពេលខ្លះនឹកស្មានមិនដល់ សូម្បីតែមិត្តជិតស្និទ្ធឬដៃគូរបស់ខ្លួន ក៏មិនដែលនិយាយប្រាប់ដែរ ទោះបីដឹងថារឿងទាំងនោះមានស្រីៗផ្សេងទៀតធ្វើដែរក៏ដោយ។
១. តាមដានដៃគូ
មនុស្សស្រីដែលមានសង្សារហើយ បើនិយាយប្រកែកថា មិនដែលខ្វល់ខ្វាយពីទង្វើដៃគូរបស់ខ្លួននោះ មានន័យថានាងកំពុងតែកុហកហើយ ព្រោះស្រីៗគឺដូចតែគ្នា មិនដែលភ្លេចតាមដានចង់ដឹង សកម្មភាពរបស់ដៃគូ ដូចជាទៅដល់ទីណាខ្លះ ធ្វើអ្វីខ្លះ នៅជាមួយនរណាខ្លះ...។
២. មើលនិងនិយាយពីមនុស្សស្រីដទៃ
តាមការពិតនេះជាទម្លាប់មួយរបស់មនុស្សស្រីទៅហើយ ទោះបីខំធ្វើពុតមិនធ្លាប់និយាយដើមអ្នកដទៃក៏គ្មាននរណាគេជឿដែរ។ ស្រីៗឲ្យតែបាននៅជិតគ្នា ចូលចិត្តនិយាយពីមនុស្សស្រីដទៃ ប៉ុន្តែពេលខ្លះ មិនមែនជារឿងអាក្រក់អីឡើយ គ្រាន់តែសរសើរពីសម្រស់ឬរបៀបតុបតែងខ្លួនប៉ុណ្ណោះ។
៣. ឆ្លុះកញ្ចក់
មនុស្សស្រីចំណាយពេលយូរនៅមុខកញ្ចក់ ជួនកាលមិនសូវចេះតែងខ្លួនអីនោះទេ តែចូលចិត្តលេងទឹកមុខកាច់រាងចុះឡើងពេលឆ្លុះកញ្ចក់ម្តងៗ។
៤. ស្លៀកខោអាវគេងយប់ដដែលៗមិនគក់
ពេលចេញក្រៅម្តងៗ ងូតទឹក បាញ់ទឹកអប់ឡើងហំ តែបើទំនេរនៅផ្ទះវិញ ចូលចិត្តស្លៀកខោអាវគេងយប់រលុងៗ ២-៣ថ្ងៃជាប់មិនប្តូរសោះ។
៥. និយាយដើមមនុស្សប្រុស
ឲ្យតែបាននៅជុំគ្នាជាមួយមិត្តភ័ក្តិជិតស្និទ្ធ មិនដែលរំលងនិយាយប្រាប់គ្នា ពីប្រុសៗណាពូកែឆាតមកញ៉ែ ប្រុសណាចរិតអន់អីគឺចេញមកអស់រលីងតែម្តង។
៦. ចង់បានចំណាប់អារម្មណ៍
ទោះនិយាយថាអត់ចង់បានចំណាប់អារម្មណ៍ ក៏មិនមែនជាការពិត ព្រោះពេលធ្វើអ្វីមួយ មនុស្សស្រីតែងចង់បានកិត្តយស តម្លៃ និងការចាប់អារម្មណ៍ពីមនុស្សជុំវិញខ្លួន។
៧. Screenshots ផ្ញើឲ្យគ្នាទៅវិញទៅមក
ពេលមានរឿងអ្វីមួយចង់ប្រាប់គ្នាឲ្យដឹង មិនបង្អង់យូរ ឃើញភ្លាម Screenshots ភ្លែត ផ្ញើរចូលក្នុងក្រុម ចែកគ្នាមើល ចែកគ្នាសើចបែកផ្សែង។
៨. យកម៉ាស៊ីនគាបសក់ធ្វើជាឆ្នាំងអ៊ុត
ពេលណាប្រញាប់ខ្លាំង ហើយឃើញកអាវ ឬកន្លែងណាដែលមិនត្រង់ ខ្ជិលប្រើឆ្នាំងអ៊ុត គឺយកម៉ាស៊ីនគាបសក់ជំនួសតែម្តង។
៩. ញ៉ាំមិនសំចៃមាត់
មនុស្សស្រីពេលនៅមុខគេឯង ធ្វើដូចជាស្រលាញ់សុខភាព ថែរក្សារាងណាស់ តែការពិតនៅផ្ទះវិញ ញ៉ាំមិនសំចៃមាត់ លួចញ៉ាំទាំងយប់អធ្រាត្រក៏មាន។
១០. នៅសុខៗមានអារម្មណ៍ចង់យំ
ពេលនៅម្នាក់ឯង សំងំក្នុងបន្ទប់ នៅសុខៗក៏មានអារម្មណ៍ថាចង់យំ ដោយមិនដឹងមូលហេតុអីឲ្យពិតប្រាកដ៕
ចុចអានបន្ត៖ កូនស្រី! បើចង់រស់នៅក្នុងជីវិតដ៏ស្រស់បំព្រង គួរអប់រំខ្លួនឲ្យមាន ២ចំណុចនេះ