សម្ភារៈចាំបាច់មួយចំនួន មានកូនតូចអ្នកម្ដាយគួរត្រៀមទុកពេលឈឺ មិនបាច់រកពេទ្យ

2019-01-31 11:00:00
ចំនួនមតិ 0 | ចំនួនចែករំលែក 0

ពេលដែលកូនមានសភាពមិនសូវប្រក្រតី ដូចជាក្ដៅខ្លួនស្ទេញៗ ហៀរសំបោរ ក្អក ឬតឹងច្រមុះ ធ្វើឲ្យអ្នកម្ដាយបារម្ភណាស់។ នៅក្នុងស្ថានភាពថ្ងៃដំបូងៗ អ្នកគួរតែមានត្រៀមសម្ភារៈចាំបាច់មួយចំនួនទុកព្យាបាលដោយខ្លួនឯង កុំទាន់ទៅពិភាក្សាជាមួយគ្រូពេទ្យភ្លាមៗ។ នៅពេលដែលអនុវត្តវិធីទាំងនេះមិនបានប្រសិទ្ធភាព ចាំទៅរកពេទ្យ។

១.បន្ទះបញ្ចុះកម្ដៅ/បន្ទះត្រជាក់

ទារកបន្ទាប់ពីចាក់ថ្នាំវ៉ាក់សាំងពេលមួយខែកន្លះ ពីរខែកន្លះ និងបីខែកន្លះ អាចមានអាការៈក្ដៅខ្លួន។ ដូចនេះពេទ្យតែងតែប្រាប់ម្ដាយឲ្យលេបថ្នាំ និងបិទបន្ទាប់ត្រជាក់នៅលើថ្ងាស និងកន្លែងចាក់ថ្នាំកូន ដើម្បីបង្ការឈឺចុកចាប់ និងប៉ោងមុខរបួស។

រូបតំណាង

**២.ថ្នាំប៉ារ៉ាសេតាម៉ុល**

ថ្នាំប្រភេទនេះគ្រប់ក្រុមគ្រួសារតែងតែមានទុកបង្ការជាប្រចាំ។ ប៉ុន្តែក្នុងករណីទារកគេមានថ្នាំគ្រប់តូចៗ ឬជាសេរ៉ូប៉ារ៉ា ដើម្បីកុំឲ្យកូនតូចពិបាកលេប ហើយប្រភេទសេរ៉ូប៉ារ៉ាគេត្រូវលេបតាមអាយុ និងទម្ងន់កូន។ ដូចនេះពេលទិញមកទុក អ្នកគួរតែសូមការណែនាំពីគ្រូពេទ្យជាមុន និងមិនត្រូវប្រើច្រើនពេកទេ បើក្មេងនៅតែមិនបាច់ក្ដៅខ្លួន គួរតែនាំទៅមន្ទីរពេទ្យ។

រូបតំណាង

៣.កូនកន្សែង និងកាធុន

នៅពេលកូនមានអាការក្ដៅខ្លួន ក្រៅពីឲ្យថ្នាំផឹក អ្នកត្រូវជ្រលក់កូនកន្សែងនឹងទឹករួចយកទៅជូតខ្លួន ហើយត្រូវឧស្សាហ៍ផ្លាស់ប្ដូរកន្សែងយកមកជ្រលក់ទឹក។ កន្លែងដែលត្រូវជូតខ្លួនមានក ខ្នង ក្លៀក ខ្លួន និងត្រង់គន្លាក់ដៃជើង ហើយអាចយកកន្សែងសើមនោះទៅរុំខ្លួន តែត្រូវពួតឲ្យអស់ទឹក។

រូបតំណាង

៤.ឧបករណ៍វាស់ស្ទង់កម្ដៅ

ដើម្បីឲ្យប្រាកដថាកូនមានអាការក្ដៅខ្លួន ឬមិនក្ដៅ គឺត្រូវមានវា។

រូបតំណាង

៥.ឧបករណ៍បូមសំបោរ និងម៉ាស៊ីនឆ្ពង់

ឧបករណ៍នេះម្ដាយគ្រប់រូបគួរតែមានទុកសាគួរពេលកូនមានជំងឺផ្ដាសាយ។

រូបតំណាង

៦.សេរ៉ូមប្រៃ

វាអាចមកបកប្រើដើម្បីកណ្ដក់ក្នុងច្រមុះកុំឲ្យតឹង លាងសំបោរក្នុងច្រមុះ និងដាក់ក្នុងឧបករណ៍ឆ្ពង់ ដើម្បីឲ្យកូនដកដង្ហើមស្រួល។

រូបតំណាង

៧.ប្រេងរឹតពោះ

នៅផ្ទះមានកូនតូច គួរតែត្រៀមប្រេងកូឡា ទុកលាបពេលសត្វល្អិតទិច ឬខាំ ទុករឹតពោះពេលហើមពោះ និងមិនដើរខ្យល់ជាដើម។ ប្រសិនបើអ្នកមិនចង់ប្រើប្រេងរឹត ឬប្រេងកូឡាដែលមានលក់ស្រាប់អ្នកអាចធ្វើវាដោយខ្លួនឯងក៏បានដែរ។