ងើបពីដេក បើមានសញ្ញាទាំងនេះ អ្នកកំពុងមានជំងឺទឹកនោមផ្អែមហើយ
- 2019-01-31 05:00:00
- ចំនួនមតិ 0 | ចំនួនចែករំលែក 0
ងើបពីដេក បើមានសញ្ញាទាំងនេះ អ្នកកំពុងមានជំងឺទឹកនោមផ្អែមហើយ
ពេលក្រោកពីដំណេក គឺជាវេលាដែលមនុស្សគ្រប់រូបស្រស់ស្រាយបំផុត យ៉ាងណាក្ដី បើងើបឡើងមិនស្រស់បស់ ហើយបែរជាមានសញ្ញាទាំងនេះវិញ អ្នកអាចកើតជំងឺទឹកនោមផ្អែមហើយ។
១.មានអារម្មណ៍ថាឃ្លានខ្លាំង
ប្រសិនបើមនុស្សធម្មតា ឃ្លានក្រោយពេលក្រោកពីដំណេក នៅពេលដែលទទួលទានអាហារព្រឹកហើយភ្លាម ពួកគេនឹងមានអារម្មណ៍បាត់ឃ្លាន ហើយភាពនឿយហត់ទាំងប៉ុន្មាន នឹងបាត់ភ្លាម។ ផ្ទុយមកវិញ បើអ្នកមានរោគសញ្ញាងជំងឺទឹកនោមផ្អែម អាការៈឃ្លាន និងនឿយហត់នេះនឹងអូនបន្លាយដល់ថ្ងៃ ទោះបីជាទទួលទានអាហារពេលព្រឹកហើយក៏ដោយ។
២.ឈឺក្បាលវិលមុខ ពេលក្រោយពីគេង
បើអ្នកមានសញ្ញានេះមានន័យថាសរសៃឈាមនៅត្រង់ករបស់អ្នកកំពុងត្រូវគាបសង្កត់ ហើយអាការៈនេះគ្រោះថ្នាក់ខ្លាំងណាស់។ បើប្រទះករណីនេះ អ្នកមិនគួរ ងើបស្ទុះពីគ្រែភ្លាមៗឡើយ អាចធ្វើឲ្យដាច់សរសៃឈាម។ ត្រូវងើបពីខ្នងសន្សឹមៗ ជៀសវាងការវិលមុខលើសដើម និងបង្ការការដាច់សរសៃឈាមនៅឆ្អឹងក។
៣.បែកញើស
ពេលព្រឹកគឺជាពេលដែលត្រជាក់បំផុត ហើយក៏រាងកាយយើងក៏មិនធ្វើសកម្មភាពអ្វីទាំងអស់។ តែបើអ្នកបែកញើសច្រើន ដល់ថ្នាក់ជោគខ្លួននោះ នេះគឺសញ្ញាមិនប្រក្រតីហើយ។
៤.ហើមមុខ
ជាធម្មតាក្រោយពេលគេងយូរពេញមួយយប់ មនុស្សគ្រប់គ្នា តែងមានអាការៈហើមមុខមាត់បន្តិច តែធ្វើចលនាបន្តិច ឬក្រោយពេលលុបមុខ អាការៈនេះនឹងស្រកទៅឯងៗ។ យ៉ាងណាមិញ ចំពោះអ្នកជំងឺទឹកនោមផ្អែម អាកការៈហើមមុខនេះ នឹងអូសបន្លាយក្នុងរយៈពេលយូរពី១ម៉ោង ដល់៣ម៉ោង បើធ្ងន់ធ្ងរគឺដល់ថ្ងៃតែម្ដង។
ក្រៅពីនេះ សញ្ញាងមួយទៀតរបស់អ្នកកើតទឹកនោមផ្អែមនោះគឺ ស្រាប់តែស្រកគីឡូដោយមិនអាចគ្រប់គ្រងបាន គឺនៅសុខៗស្រាប់តែទម្ងន់ចុះពី ៥ ទៅ ១០ គីឡូក្នុងរយៈពេល ២-៣ ខែតែម្ដង។ នេះគឺបណ្ដាលពីអ័រម៉ូនអាំងស៊ុយលីនមិនអាចបញ្ចូនសារជាតិគ្លុយកូសចូលក្នុងកោសិការបានធ្វើឲ្យអ្នកទោះញ៉ាំយ៉ាងណាក៏មិនអាចឡើងគីឡូ៕