ធ្លាក់ក្នុងអន្លង់ស្នេហ៍ខ្លួនឯងយ៉ាងជ្រៅ ក្រោយពេលគាត់ប្រាប់ថាឈប់ស្រលាញ់
- 2019-01-23 09:10:00
- ចំនួនមតិ 0 | ចំនួនចែករំលែក 0
ធ្លាក់ក្នុងអន្លង់ស្នេហ៍ខ្លួនឯងយ៉ាងជ្រៅ ក្រោយពេលគាត់ប្រាប់ថាឈប់ស្រលាញ់
"ខ្ញុំមិនស្រលាញ់អ្នកទៀតទេ" ជាពាក្យដ៏សែនឈឺចាប់បំផុតដែលមនុស្សស្រីម្នាក់បានឮវាចេញពីមាត់មនុស្សប្រុសដែលខ្លួនស្រលាញ់បំផុត។ ក្រោយស្ដាប់រួចមានអារម្មណ៍ថា ទម្ងន់នៃពាក្យទាំងនោះ បានសង្កត់លើខ្លួនរើមិនរួច រហូតពិបាកដកដង្ហើម បេះដូងប្រែជាខ្ទេចខ្ទាំ។ ចាប់ពីពេលនោះមក រឿងទាំងនេះក៏បានកើតឡើង៖
១.«ខ្ញុំចាប់ផ្ដើមកែប្រែខ្លួនឡើងវិញ ធ្វើយ៉ាងណាឲ្យខ្លួនឯងពូកែជាងគាត់ ដើម្បីឲ្យគាត់ស្ដាយក្រោយ។ តែខ្ញុំបែរជាអ្នកស្ដាយក្រោយទៅវិញ ស្ដាយដែលពីមុនរវល់តែវក់វីនឹងមនុស្សប្រុស រហូតមិនដឹងថាខ្លួនឯងមានសមត្ថភាពអស្ចារ្យបែបនេះ»។
**២**.«ខ្ញុំចាប់ផ្ដើមធ្វើខ្លួនឲ្យស្អាត ដើម្បីឲ្យគាត់ងាកមកស្រលាញ់ខ្ញុំវិញ។ ប៉ុន្តែអ្វីដែលគួរឲ្យខឹង គឺជាយូរហើយខ្ញុំបែរជាមិនបានយកចិត្តទុកដាក់ចំពោះសម្រស់ខ្លួនឯង តែវាមិនទាន់ហួសពេលទេ។ នៅពេលខ្លួនកាន់តែស្អាត ទើបខ្ញុំដឹងថា ខ្ញុំឥលូវលែងស្រលាញ់មនុស្សប្រុសម្នាក់នោះទៀតហើយ តែកំពុងឈ្លក់វង្វេងនឹងរូបរាងខ្លួនឯងវិញ»។
៣.«ក្រោយគាត់ប្រាប់ថាឈប់ស្រលាញ់ ខ្ញុំបែបជាចង់ឲ្យគាត់ត្រលប់ក្រោយ ដោយងាកទៅទាក់ទងបុរសផ្សេង ដើម្បីឲ្យគាត់ប្រច័ណ្ឌ។ ក្រោយខ្ញុំទាក់ទងអ្នកផ្សេងទើបខ្ញុំដឹងថា ក្រៅពីគាត់ ប្រុសដទៃសុទ្ធតែចាត់ទុកខ្ញុំជាមនុស្សស្រីមានតម្លៃ និងផ្ដល់កិត្តិយសដល់ខ្ញុំខ្លាំងបំផុត»។
៤.«នៅពេលខ្ញុំគ្មានគាត់នៅក្បែរ ទើបខ្ញុំខិតខំថែសុខភាព។ ពេលនោះទើបខ្ញុំដឹងថា ហេតុអ្វីបានជាគាត់ឈប់ស្រលាញ់ ព្រោះខ្ញុំមិនបានខ្វល់ពីខ្លួនឯងឡើយ គិតតែខ្វល់ពីគេពេក ដែលនោះហើយធ្វើឲ្យគេធុញទ្រាន់។ ចាប់ពីពេលនោះ ខ្ញុំងាកមកចាប់អារម្មណ៍ និងថែរក្សាសុភាពខ្លួនបានល្អ»។
៥.«គួរតែអរគុណគាត់ដែលប្រាប់ថាឈប់ស្រលាញ់ខ្ញុំ បើមិនដូច្នោះទេ ខ្ញុំប្រហែលជាមិនសូវមានពេលខ្វាយខ្វល់ពីមិត្តភ័ក្ដិក៏ដូចជាក្រុមគ្រួសារទេ»។
៦.«ចាប់ពីពេលគ្មានបុរសនោះនៅក្បែរខ្លួន ទើបខ្ញុំអាចស្វែងយល់ពីខ្លួនឯង និងដឹងថាខ្លួនឯងមានចំណុចពិសេសច្រើនយ៉ាងដែលអាចធ្វើរឿងមានប្រយោជន៍ ច្រើនជាងគិតពីស្នេហា»៕
ចុចអាន៖មនុស្សប្រុសយកមនុស្សស្រីមកលេងសើច តើយុវភាពរបស់នាងអ្នកណាអ្នកសង?