ថែរក្សាស្បែកអ្នកឲ្យភ្លឺរលោង តាមវិធីទាំងនេះ

2019-01-23 06:00:00
ចំនួនមតិ 0 | ចំនួនចែករំលែក 0

សព្វថ្ងៃមានវិធីជាច្រើនក្នុងការថែរក្សាស្បែកឲ្យកាន់តែតែស្អាត មិនថាការប្រើផលិតផល ឬជាវិធីធម្មជាតិនោះទេ គឺមនុស្សស្រីភាគច្រើនទៅហើយតែងតែប្រើវាដើម្បីជួយរក្សាភាពស្អាតឲ្យនៅដដែល។ សម្រាប់អ្នកដែលចង់ឲ្យស្បែកមានភាពម៉ត់រលោង ស្អាត អាចជ្រើសរើសតាមរបៀបថែរក្សាស្បែកខាងក្រោមបាន៖

១. ផ្តល់ជាតិទឹកដល់ស្បែក

ស្បែកមនុស្សយើងប្រៀបបាននឹងរុក្ខជាតិដូច្នោះដែរ។ វាត្រូវការជាតិទឹកជាប្រចាំ ដើម្បីភាពស្រស់បំព្រងរស់រានមានជីវិត។ ហេតុនេះហើយ ជារៀងរាល់ថ្ងៃ ពិសេសពេលងូតទឹករួច កុំភ្លេចលាបឡេណា ដែលអាចផ្តល់សំណើមដល់ស្បែក។ សំខាន់បំផុតមួយទៀតនោះគឺ ត្រូវញ៉ាំទឹកឲ្យបានច្រើន។

២. ប្រើឡេផ្ដល់សំណើម

ការប្រើឡេផ្ដល់សំណើមគឺមានសារសំខាន់ណាស់ ព្រោះវាអាចជួយថែរក្សាស្បែកអ្នកឲ្យមានសំណើម និងជួយឲ្យស្បែកទន់រលោង។ អ្នកគួរតែទម្លាប់លាបឡេផ្ដល់សំណើមឲ្យបានជាប្រចាំ ជាពិសេសមុនពេលចេញទៅក្រៅតែម្ដង។

៣.ប្រើប្រាស់សាប៊ូដុសខ្លួនឲ្យបានត្រឹមត្រូវ

អ្នកត្រូវចេះជ្រើសរើសសាប៊ូឲ្យត្រូវនឹងប្រភេទស្បែក ព្រោះបើអ្នកប្រើខុសអ្នកអាចខាតទាំងលុយ ខាតទាំងពេលដោយសារតែគ្មានបានលទ្ធផលអី ហើយអាចបង្កឲ្យស្បែកមានបញ្ហាក៏មាន។

អ្នកអាចជ្រើសយកសាប៊ូ Gentle Cleanser បានព្រោះវាជាសាប៊ូដុសខ្លួនត្រូវគ្រប់ប្រភេទស្បែក ហើយវាជួយឲ្យស្បែកមានសំណើម និងជួយការពារការបាត់បង់ជាតិទឹកធ្វើអោយស្បែកទន់ រលោង ម្យ៉ាងទៀតវាបង្កើនប្រសិទ្ធភាពនៃរនាំងការពារស្បែកពីបរិយាកាសខាងក្រៅ។

អ្នកអាចរកទិញសាប៊ូ Gentle Cleanser នៅគ្រប់សាខារបស់ហ្វាម៉ាស៊ី Guardian

៤. ដុសខាត់ស្បែក

អ្នកចាំបាច់ត្រូវងូតទឹកឲ្យបានម្តងក្នុងមួយថ្ងៃ ប៉ុន្តែអ្នកក៏ត្រូវធ្វើការដុសខាត់ស្បែកយ៉ាងហោចណាស់ឲ្យបាន១-២ដង ក្នុងមួយសប្តាហ៍ ដើម្បីជម្រុះកោសិកាចាស់ៗនិងងាប់ចេញឲ្យអស់ ដោយប្រើជាមួយច្រាសមានសរសៃទន់៕

ចុចអាន៖ស្បែកជ្រីវជ្រួញលែងជាបញ្ហាទៀតហើយ បើស្រីៗមានវិធីទប់ស្កាត់ប៉ុន្មាននេះ

អត្ថបទ៖ ផេង ផលធិតា