ប្រុសធាត់ប្រឹងសម្រកទម្ងន់៤០គីឡូ ដើម្បីញ៉ែ crush បានសម្រេច ព្រោះតែសំដីនាងមួយម៉ាត់

2019-01-19 03:45:00
ចំនួនមតិ 0 | ចំនួនចែករំលែក 0

ឈឺចាប់ដោយសារតែត្រូវមនុស្សដែលខ្លួនស្រលាញ់បដិសេធចំៗ និស្សិតប្រុសចិនម្នាក់បានប្រឹងអស់ពីសមត្ថភាពដើម្បីសម្រេកបានដល់ទៅ ៤០គីឡូ។

មុននេះបន្តិច ការរំលែករបស់និស្សិតប្រុសចិនម្នាក់បានទទួលការចាប់អារម្មណ៍ជាខ្លាំងនៅពេលលោកបានចែករំលែកពីការតាមស្រលាញ់ crush របស់ខ្លួនបានសម្រេចក្រោយពេលឈឺចាប់ខ្លាំងពេកព្រោះត្រូវនាងបដិសេធចំៗ។ តួអង្គឯកនៅក្នុងការចែករំលែកនេះគឺ Liu Wei Qi អាយុ១៨ឆ្នាំ មកពីប្រទេសចិន។ តាមនោះដែរ នៅពេលចូលរៀនថ្នាក់វិទ្យល័យ ប្រុសម្នាក់នេះបានមានកម្ពស់ដល់ទៅ១.៨២ម តែមានទម្ងន់ដល់ទៅ១១០គីឡូ ធ្វើឲ្យលោកមិនត្រូវបានអ្នកណាចាប់អារម្មណ៍ទាំងអស់។

តែដោយសារតែរៀនពូកែ ថែមទាំងគិតថាកំពុងវ័យរៀនទៀតនោះ ទើបបុរសរូបនេះមិនដែលចាប់អារម្មពណ៍ពីរូបរាងរបស់ខ្លួនដោយ រហូតដល់ថ្ងៃមួយ លោកលួចស្រលាញ់មិត្តរួមថ្នាក់ម្នាក់។ យ៉ាងណាក្ដី លោកបានទទួលភាពឈឺចាប់នៅពេលសារភាពទៅនាង ដោយនាងបោះសំដីយ៉ាងខ្លីថា៖ “ខ្ញុំមិនចូលចិត្តមនុស្សធាត់ទេ”។ ក្រោយពេលឮសំដីដូចនេះ Wei Qi បានពិបាកចិត្ត រៀនសូត្រលែងចូល ហើយក៏សម្រេចចិត្តស្រកគីឡូដើម្បីឲ្យបានសម្រេចដើម្បីស័ក្ដិសមនឹងមនុស្សដែលខ្លួនស្រលាញ់។

ជាលទ្ធផល ក្រោយពេលហាត់ប្រាណ និងបន្ថយចំនួនអាហាររបស់ខ្លួនក្នុងរយៈពេលកន្លះឆ្នាំ នៅទីបំផុត ប្រុសស្អាតនេះក៏ស្រកគីឡូបានសម្រេចមែន ដោយស្រកបានរហូតដល់ទៅ៤០គីឡូ។ នៅពេលនោះ លោកបានសារភាពទៅ crush ម្ដងទៀត ហើយនាងក៏ព្រមទទួលយកមនោសញ្ចេតនារបស់លោក។ ទោះបីជានៅពេលនេះ អ្នកទាំង២បានចែកផ្លូវគ្នាហើយក៏ដោយ Wei Qi នៅតែអរគុណដល់សង្សារចាស់ដែលបានជួយឲ្យលោកស្ទើរតែក្លាយជាមនុស្សថ្មីម្នាក់ទៀត ហើយសុខភាពក៏ល្អជាងមុន៕