ក្បត់ចិត្តប្រពន្ធ សប្បាយមួយពេល តែគង់មានថ្ងៃទឹកភ្នែកជូតក្បាលជង្គង់មិនខាន
- 2019-01-17 07:05:24
- ចំនួនមតិ 0 | ចំនួនចែករំលែក 0
ក្បត់ចិត្តប្រពន្ធ សប្បាយមួយពេល តែគង់មានថ្ងៃទឹកភ្នែកជូតក្បាលជង្គង់មិនខាន
មនុស្សទាំងអស់បានដឹងហើយថា ការក្បត់ចិត្តនរណាម្នាក់មិនមែនជាទង្វើគប្បីនោះទេ។ ដឹងហើយឮហើយ ម្ដេចនៅតែបំពាន ហេតុអ្វីអាត្មានិយមម្ល៉េះ ខ្លួនឯងចង់សប្បាយ តែមានគិតដល់មនុស្សដែលស្រលាញ់ស្មោះ កំពុងតែឈឺចាប់ខ្លោចផ្សាដែរទេ? កម្មពៀរមានពិត បើអ្នកធ្វើបាបចិត្តប្រពន្ធមិនរអែង ថ្ងៃណាមួយគង់តែទឹកភ្នែកជូតក្បាលជង្គង់មិនខាន។
ជីវិតនឹងវិនាសអន្តរាយ
ពេលមានលុយចង់ធ្វើអ្វីតាមចិត្ត ចង់យកទៅជះឲ្យស្រីក្មេងអស់ប៉ុន្មានក៏មិនខ្វល់ តែពេលអ្នកជួបបញ្ហា ពេលអស់លុយពីកាបូប គ្មានតំណែងយសស័ក្ដិដូចពីមុន កុំសង្ឃឹមថា មានវត្តមានមនុស្សស្រីទាំងនោះមកចូលរួមកើតទុក្ខជាមួយឲ្យសោះ ។
មានពេជ្រហើយមិនស្កប់ បែរជាចង់បានដុំថ្មទៅវិញ
ឆ្ងល់ណាស់ ហេតុអីចិត្តមនុស្សប្រុសពិបាកផ្គាប់ផ្គុនយ៉ាងនេះ? ប្រពន្ធកូនប្រៀនបានដូចមាសពេជ្រ ប្រគល់ក្តីស្រលាញ់ពិតប្រាកដឲ្យ បែរជាមើលរំលងមិនឲ្យតម្លៃ ហើយចង់បានរបស់ដុំថ្មទៅវិញ។ ពេលចូលដល់វ័យចាស់ជរា អ្នកនឹងមានអារម្មណ៍ថាឯកាបំផុត គ្មានសិទ្ធទទួលបានភាពកក់ក្តៅ និងក្តីស្រលាញ់ពិតទៀតទេ ព្រោះពេលមានវា អ្នកមិនចេះថែរក្សា។
កុំបន្ទោស បើពេលឈឺថ្កាត់គ្មានកូនចៅណាមករវល់ជាមួយ
ពេលធ្លាក់ខ្លួនឈឺ បើគ្មានកូនចៅណាមកអើតរវល់ជាមួយ ក៏គ្មានសិទ្ធិអីទៅបន្ទោសដែរ។ នេះប្រហែលដោយសារតែអ្នកធ្លាប់ធ្វើបាបចិត្តរបស់ពួកគេនិងម្តាយរបស់គេ ច្រើនសិបដងរាប់មិនអស់ទេពីមុនមក។ សមល្មមនឹងពួកគេឆ្អែតចិត្ត មិនចង់ទៅក្បែរ។
បាបកម្មទាំងអស់នឹងធ្លាក់មកលើអ្នក
កុហក លាក់បាំង សាវា សុទ្ធតែជាអំពើបាប។ ដូចពាក្យចាស់ពោលថា "សាងបុណ្យបានបុណ្យ សាងបាបបានបាប” បើមិនជឿទេថ្ងៃណាមួយអ្នកនឹងស្តាយក្រោយ តែបើជឿហើយ ដឹងខ្លួនថាធ្វើខុស គួរកែប្រែឡើងវិញឥឡូវនេះក៏មិនទាន់ហួសពេលដែរ៕
ចុចអានបន្ត៖ អាវុធគ្រោះថ្នាក់ ៥ យ៉ាងអាចបំផ្លាញចំណងស្នេហ៍លឿនជាងការក្បត់គ្នាទៅទៀត