អត្ថប្រយោជន៍នៃទឹកខ្ពុរមាត់ ចំពោះសម្រស់ សុខភាព និងផ្នែកលាងសម្អាតផ្សេងៗ
- 2019-01-17 00:00:00
- ចំនួនមតិ 0 | ចំនួនចែករំលែក 0
អត្ថប្រយោជន៍នៃទឹកខ្ពុរមាត់ ចំពោះសម្រស់ សុខភាព និងផ្នែកលាងសម្អាតផ្សេងៗ
មនុស្សជាច្រើននៅតែមិនដឹងថាទឹកខ្ពុរមាត់ដែលប្រើជាប្រចាំ មិនមែនជួយលាងសម្អាតមាត់តែមួយមុខទេ វាមានប្រយោជន៍ជាងនោះឆ្ងាយណាស់។ កញ្ញា សូមណែនាំពីអត្ថប្រយោជន៍ផ្នែកសម្រស់ សុខភាព និងជួយលាងសម្អាតផ្នែកផ្សេងៗទៀតដែលទឹកខ្ពុរមាត់អាចជួយបាន។
១.កម្ចាត់ក្លិនក្លៀក
គ្រាន់តែយកសំឡី ឬក្រណាត់កប្បាសជ្រលក់ទឹកខ្ពុរមាត់បន្តិច បន្ទាប់មកលាបដោយទន់ភ្លន់នៅក្រោមដៃ នឹងទទួលបានលទ្ធផលល្អក្រោយធ្វើរួច។
២.ព្យាបាលរោគស្ពឹក
មិនត្រឹមតែលាងសម្អាតមាត់បានល្អប៉ុណ្ណោះទេ ប្រសិនបើអ្នកមានរោគសញ្ញាស្ពឹកដៃជើង អ្នកគ្រាន់តែយកដៃ ឬជើងមកលាបរឹតកន្លះម៉ោងជារៀងរាល់ថ្ងៃ។ អ្នកអាចបន្ថែមទឹកខ្មេះផងដែរ ដើម្បីឲ្យលទ្ធផលរឹតតែល្អប្រសើរជាងមុន។
៣.លាងសម្អាតឡាបូបន្ទប់ទឹក
ប្រសិនបើឡាបូបន្ទប់ទឹកអ្នកកង្វក់ ចាក់ទឹកនោះចូលទៅក្នុងនោះ ដើម្បីសម្អាត។ វានឹងជួយលុបបំបាត់ក្លិនស្អុយ ធ្វើឲ្យមើលទៅដូចថ្មីម្ដងទៀត។
៤.សម្អាតមុខរបួស
នៅពេលអ្នករងរបួសដោយគ្មានការប្រុងប្រយ័ត្នណាមួយ អ្នក អាចចាក់ទឹកខ្ពុរមាត់នៅលើកប្បាសមួយសន្លឹក បន្ទាប់មកប្រើលើមុខរបួស វាអាចជួយសម្លាប់មេរោគបាន។
៥.កម្ចាត់អង្គែលើស្បែកក្បាល
ជឿថាអ្នកនៅតែមិនទាន់ដឹងទេថា ទឹកខ្ពុរមាត់អាចសម្អាតអង្គែបាន។ អ្នកគ្រាន់តែយកទឹកនោះមកដាក់ក្នុងបំពង់បាញ់មួយ រួចយកមកបាញ់លើក្បាល អ្នកនឹងទទួលបានលទ្ធផលល្អលើសពីការរំពឹងទុក។
៦.កម្ចាត់ចៃឆ្កែ
សម្រាប់នរណាម្នាក់ដែលកំពុងចិញ្ចឹមឆ្កែ គ្រាន់តែប្រើទឹកខ្ពុរមាត់មកលាងសម្អាតឲ្យឆ្កែពេលងូតទឹក ទឹកអ្នកនឹងអស់ចៃ។
៧.ប្រើសម្រាប់ជូតសម្អាតមុខ
អ្នកអាចលាងសម្អាតមុខ ដោយជូតពេលព្រឹក និងពេលល្ងាច ដើម្បីបន្ថយមុន។
៨.សម្អាតច្រាសដុសធ្មេញ
ទឹកខ្ពុរមាត់ អាចប្រើសម្រាប់សម្លាប់មេរោគ នៅជាប់ច្រាសដុសធ្មេញ ព្រោះវាជាប់បាក់តេរី និងកាកសំណល់ច្រើនណាស់។ ត្រាំច្រាសដុសធ្មេញនៅក្នុង កែវតូចមួយមានទឹកខ្ពុរ។
៩.សម្អាតអេក្រង់កុំព្យូទ័រ
ទឹកខ្ពុរមាត់មានប្រសិទ្ធភាពក្នុងការលុបស្នាមម្រាមដៃ និងស្នាមប្រឡាក់ដែលជាប់នៅលើអេក្រង់កុំព្យូទ័រ។
១០.កម្ចាត់ក្លិនមិនល្អផ្សេងៗ
ប្រសិនបើនៅកន្លែងណាមានធុំក្លិនមិនល្អ អាចយកទឹកខ្ពុរមាត់ទៅបាញ់កន្លែងនោះ៕
ចុចអាន៖រូបមន្តធម្មជាតិសម្រាប់អ្នកចង់បានមុខសស៊ីជម្ពូ បាត់មុន ដោយប្រើប៉េងប៉ោះ