ទស្សនិកជនចិនឆោឡោ ពេលផលិតករ ចង់កែភេទឲ្យតួ លី ម៉ក់ឆូវ រឿង “ទេពឥន្ទ្រីបក្សីស្នេហ៍” ថ្មី
- 2019-01-12 05:36:30
- ចំនួនមតិ 0 | ចំនួនចែករំលែក 0
ទស្សនិកជនចិនឆោឡោ ពេលផលិតករ ចង់កែភេទឲ្យតួ លី ម៉ក់ឆូវ រឿង “ទេពឥន្ទ្រីបក្សីស្នេហ៍” ថ្មី
ព័ត៌មានផលិតករកំពុងរើសតួប្រុសឲ្យដើរតួ លី ម៉ក់ឆូវ ក្នុងរឿង “ទេពឥន្ទ្រីបក្សីស្នេហ៍” កំពុងតែធ្វើឲ្យទស្សនិកជនមានចម្ងល់ជាខ្លាំង មិនយល់ថាផលិតកររឿងនេះកំពុងគិតអ្វី។
ទើបតែដើមឆ្នាំ២០១៩សោះ តែទស្សនិកជនបានទទួលរងនូវភាពភ្ញាក់ផ្អើលចំពោះវិស័យភាពយន្តប្រទេសនេះទៅហើយ។ តាមដូចនោះដែរ ជារៀងរាល់ឆ្នាំ កំពូលខ្សែភាពយន្តភាគបុរាណ “ទេពឥន្ទ្រីបក្សីស្នេហ៍” តែងត្រូវថតឡើងវិញ ជាលក្ខណៈរឿងភាគ ដោយឡែកឆ្នាំនេះគឺមានទាំងរឿងភាគ ក៏ដូចជាភាពយន្ត។
ព័ត៌មានពីភាពយន្តស៊េរីឆ្នាំ២០១៩ កំពុងធ្វើឲ្យអ្នកគាំទ្ររឿងនេះ មានចម្ងល់ជាខ្លាំងត្បិត តួ លី ម៉ក់ឆូវដែលត្រូវជាសិស្សច្បងរបស់សៀវ ឡុងនី ដែលជាស្រីក្រមុំនោះ បែរជាត្រូវផលិតករកំពុងរើសតួប្រុសឲ្យដើរតួជំនួសវិញ។ មិនត្រឹមតែប៉ុណ្ណោះ ផលិតកររឿងដដែលនេះរឹតតែធ្វើឲ្យគេភ្ញាក់ផ្អើលនៅពេលប្រកាសថា លី ម៉ក់ឆូវប្រុសនេះ នឹងមានស្នេហាជាមួយតួប្រុសម្នាក់ទៀតនៅក្នុងរឿងទៀតផង។
ក្រោយពេលដឹងព័ត៌មាននេះ អ្នកគាំទ្រច្បាប់ដើមរបស់ “ទេពឥន្ទ្រីបក្សីស្នេហ៍” បានបង្ហាញភាពមិនពេញចិត្តយ៉ាងខ្លាំង ព្រោះបើថតបែបនេះគឺខុសច្បាប់ដើមទាំងស្រុង៕
ចុចអាន៖ត្រចៀកកាំ ស្អាតឥតទាស់ ពេលបណ្ដើរ ព្រះអង្គម្ចាស់ទី៥ ហើយថាមានគម្រោងថតរឿងថ្មីរួមគ្នា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
