នៅតែផ្ទះមើលថែផ្ទៃពោះ Zhao Li Ying នៅតែវ៉ាមុខ Yang Mi និង Dilraba

2019-01-09 04:17:15
ចំនួនមតិ 0 | ចំនួនចែករំលែក 0

ទោះបីជាក្នុងឆ្នាំ២០១៨ តារាសម្ដែងស្រីជួរមុខចិន Zhao Li Ying មិនមានសកម្មភាពច្រើន ដោយពេលវេលាភាគច្រើនត្រូវបានចំណាយលើរឿងមនោសញ្ចេតនាក៏ដោយ តែនាងនៅតែជាតារាល្បីខ្លាំងលើបណ្ដាញសង្គម។

កាលពីថ្ងៃទី ៧ ខែមករាមុននេះ បណ្ដាញព័ត៌មាន Vlinkage បានប្រកាសពីតារាងតារាប្រុសស្រីចិនទាំង១០០រូបដែលមានប្រជាប្រិយភាពខ្លាំងបំផុតក្នុងឆ្នាំ២០១៨ លើបណ្ដាញសង្គម។ ទោះបីជានៅក្នុងឆ្នាំ២០១៨ តារាសម្ដែងស្រីលំដាប់ A ចិន Zhao Li Ying មិនសូវមានសកម្មភាពច្រើនក្នុងសិល្បៈ ក៏ដូចជាបណ្ដាញសង្គមក្ដី តែនេះជាឆ្នាំទី៣ជាប់គ្នាហើយ ដែលតួរឿង “និស្ស័យស្នេហ៍ដាវទេព” ជាប់លេខ១តារាដែលមានប្រជាប្រិយភាពខ្លាំងបំផុតលើបណ្ដាញសង្គម ដោយទទួលបានពិន្ទុរហូតដល់ទៅ ៨៤៤៨ពិន្ទុ។

តាមនោះដែរ ពាក្យគន្លឹះដែលត្រូវបានគេស្វែងរកពី ស្រីស្អាតវ័យ៣១ច្រើនជាងគេគឺ “Zhao Li Ying រៀបការ” ដោយពាក្យគន្លឹះនេះត្រូវគេរកជាង១០លានដង។ តាមជាប់កន្ទុយពីក្រោយ Li Ying គឺកំពូលតារាសម្ដែងស្រី Yang Mi។ ឆ្នាំ២០១៨ Yang Mi ផ្ទុះខ្លាំងដោយសារចេញរឿង២ គឺល្បីទាំង២ ហើយរយៈពេលចុងឆ្នាំ នាងរឹតតែល្បីដោយសាររឿងលែងលះជាមួយតារាសម្ដែងប្រុស Harwick Lau។

រីឯចំណាត់ថ្នាក់លេខ៣ត្រូវធ្លាក់លើ តារាស្រីកំពុងឡើងកូដខ្លាំង Dilraba។ អាចនិយាយឆ្នាំ២០១៨ គឺជាឆ្នាំដែលជោគជ័យខ្លាំងសម្រាប់តារាវ័យ២៦នេះ ដោយទទួលបានពានរង្វាន់ធំៗជាច្រើនទោះ សមត្ថភាពនៅត្រូវគេរិះគន់នៅឡើយ។ តារាដទៃដែលមានឈ្មោះក្នុងតារាងនេះរួមមាន Yang Yang, Hu Ge និង Zhang Zi ជាដើម៕

ចុចអាន៖ក្រោយ Fan Bingbing ដល់វេនប្អូនប្រុសនាង ដេកស៊ីលុយឈ្នះបណ្ដឹងម្ដង

ប្រភព៖ Zing ប្រែសម្រួល៖ Caramel