ត្រូវគេថាស្អាតតែពេលកាត់តរូប Song Hye Kyo បញ្ចេញរូបក្រៅឆាក ចង់ស្អាតជាងរូបដើមទៀត
- 2019-01-07 05:35:09
- ចំនួនមតិ 0 | ចំនួនចែករំលែក 0
ត្រូវគេថាស្អាតតែពេលកាត់តរូប Song Hye Kyo បញ្ចេញរូបក្រៅឆាក ចង់ស្អាតជាងរូបដើមទៀត
កំពូលតារាសម្ដែងស្រីកូរ៉េ Song Hye Kyo បានបង្ហាញឲ្យឃើញថា ទោះមិនមានកម្មវិធីកាត់តរូបថត នាងនៅតែស្អាតគួរឲ្យស្ញប់ស្ញែង។
កាលពីចុងឆ្នាំកន្លងទៅនេះ តារាសម្ដែងស្រីជួរមុខកូរ៉េ Song Hye Kyo បានធ្វើឲ្យកក្រើកបណ្ដាញព័ត៌មានពេលទម្លាយកម្រងរូបថតមួយឈុតដែលថតឲ្យម៉ាកសំលៀកបំពាក់មួយ។ នៅក្នុងរូបទាំងនេះ ស្រីស្អាតវ័យ៣៧ឆ្នាំ បានធ្វើឲ្យសូម្បីតែក្រមុំក៏ខ្មាសនឹងសម្រស់នាងដែរ ត្បិតប្រពន្ធ Song Joong Ki ស្អាតខ្លាំងពេក។ យ៉ាងណាក្ដី ក្រោយពេលរូបទាំងនេះត្រូវបានចុះផ្សាយ មតិភាគច្រើនបានលើកឡើងថា តួរឿង “ម្ចាស់ព្រះអាទិត្យ” បានស្អាតដល់កម្រិតនេះគឺដោយសារកាត់តទេ រូបពិតមិនបានដូចនេះឡើយ។
តបតនឹងមតិអវិជ្ជមានទាំងនេះ តារាកើតឆ្នាំ១៩៨១ មិនបាននិយាយអ្វីច្រើនឡើយ ដោយគ្រាន់តែធ្វើសកម្មភាពសាមញ្ញតែប៉ុណ្ណោះ។ តាមនោះដែរ នៅលើបណ្ដាញសង្គមរបស់ខ្លួន នាងបានបង្ហោះរូបភាពក្រៅឆាករបស់ កម្រងរូបខាងលើ ដែលស្រីស្អាតរូបនេះនៅតែស្អាតគ្មានប្រែប្រួលអ្វីទាំងអស់។ នេះបញ្ជាក់ឲ្យឃើញថា តារាត្រកូល Song មិនមែនស្អាតតែពេលកាត់តទេ ទោះធម្មជាតិក៏នៅមានសម្រស់មិនធម្មតា៕
ចុចអាន៖ធ្លាយព័ត៌មាន ចិនផលិតរឿង “អ្នកប្រមាញ់ទីក្រុង” ឡើងវិញ តួឯកប្រុសស្រីស្អាតជាងច្បាប់ដើម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
