ធ្លាយព័ត៌មាន ចិនផលិតរឿង “អ្នកប្រមាញ់ទីក្រុង” ឡើងវិញ តួឯកប្រុសស្រីស្អាតជាងច្បាប់ដើម

2019-01-03 05:00:00
ចំនួនមតិ 0 | ចំនួនចែករំលែក 0

ព័ត៌មានកំពូលខ្សែភាពយន្តភាគកូរ៉េ “City Hunter” ត្រូវបានអ្នកវិនិយោគចិនទិញសិទ្ធិបញ្ញា និងផលិតថ្មីនោះ បានធ្វើឲ្យទស្សនិកជនប្រទេសនេះរង់ចាំមើលយ៉ាងអន្ទះសារ។

សម្រាប់អ្នកដែលចូលចិត្តទស្សនារឿងភាគកូរ៉េទាំងអស់ ប្រាកដជាស្គាល់ច្បាស់នូវកំពូលខ្សែភាពយន្ត “អ្នកប្រមាញ់ទីក្រុង” មិនខាន។ រឿងភាគនេះដែរ ក៏បានលើកកេរ្តិ៍ឈ្មោះរបស់ តារាសម្ដែង Lee Min Ho និង Park Min Young ឲ្យល្បីខ្ទរខ្ទារពេញអាស៊ី កាលពីឆ្នាំ ២០១១។

ថ្មីៗនេះបំផុត បណ្ដាញព័ត៌មានក្នុងស្រុកចិនបានរាយការណ៍ថា “City Hunter” ត្រូវបានទិញសិទ្ធបញ្ញារួចទៅហើយ ហើយរឿងនេះនឹងក្រុងពាលីនាពេលឆាប់ៗនេះ។ និយាយពីតួឯកប្រុសវិញ ត្បិតជាមានវ័យក្មេងខ្ចី និងមិនទាន់មានបទពិសោធន៍សម្ដែងច្រើនក៏ដោយ តែទស្សនិកជនក្នុងស្រុកបានលាន់មាត់ថា សម្រស់របស់អ្នកទាំង២គឺមិនចាញ់ ច្បាប់ដើមឡើយ ឬអាចនិយាយថា ពួកគេលេចធ្លោជាងផង។

តាមនោះដែរ រ៉ាប់រងតួអង្គរបស់ Lee Min Ho គឺតារាសម្ដែងប្រុសវ័យក្មេងកើតឆ្នាំ១៩៩៦ Wang Yi Lun។ រីឯរ៉ាប់រងតួរបស់ Park Min Young គឺស្រីស្អាតវ័យក្មេង Zhang Rou Nan កើតឆ្នាំ ១៩៩៦ ដូចគ្នា។ វណ្ណកម្មនេះគ្រោងក្រុងពាលីនៅដើមឆ្នាំ ២០១៩ និងចាក់ផ្សាយនៅពាក់កណ្ដាលឆ្នាំ៕

ចុចអាន៖Anglebaby ក្លាយជាផ្ទាំងស៊ីបរិះគន់ ពេលប្រើជំនួយការដោះស្រោមជើង និងពាក់ស្បែកជើងឲ្យ

ប្រភព៖ Kenh14 អត្ថបទ៖Caramel