សម្រាប់ស្រីៗម៉ាប់ៗ ពេលចេះតិចនិកស្លៀកពាក់បែបនេះ មើលទៅឃើញរាងស្លីមជាងមុន
- 2018-12-30 04:00:00
- ចំនួនមតិ 0 | ចំនួនចែករំលែក 0
សម្រាប់ស្រីៗម៉ាប់ៗ ពេលចេះតិចនិកស្លៀកពាក់បែបនេះ មើលទៅឃើញរាងស្លីមជាងមុន
នារីៗដែលមានរាងធាត់ ពិតជាពិបាកក្នុងការស្លៀកពាក់ណាស់ ហើយជួនកាលមិនធ្លាប់ស្លៀកពាក់ខោអាវស្អាតៗ និងមើលទៅសិចស៊ីដូចគេនោះទេ។ តែពេលនេះ កញ្ញា សូមណែនាំតិចនិកស្លៀកពាក់មើលទៅឃើញស្លីមជាងមុន សម្រាប់ស្រីៗម៉ាប់ៗ
១. ទិញខោអាវណា ដែលត្រូវរូបរាង
រឿងសំខាន់បំផុតសម្រាប់អ្នកធាត់ គឺត្រូវទៅរកទិញខោអាវណាដែលសមល្មមនឹងរូបរាងខ្លួនឯង។ ព្រោះថាការស្វែងរកទំហំត្រឹមត្រូវនេះ ធ្វើឱ្យអ្នកងាយស្រួល ហើយមិនពិបាកក្នុងខ្លួនឡើយពេលស្លៀកវា។ មួយវិញទៀត ត្រូវស្វែងរកក្រណាត់ណាដែលអាចលាក់បាំងបានខ្លះចំពោះរូបរាងនិងសាច់ច្រើនរបស់អ្នក។ កុំស្លៀកសំលៀកបំពាក់ណាដែលធំ ឬតូចចង្អៀតជាងខ្លួន។
២. ស្លៀកពាក់ឲ្យត្រូវពណ៌
ជៀសវាងពណ៌ខោអាវណាដែលស្លៀកទៅចេញរូបរាងរបស់អ្នកទាំងអស់មកខាងក្រៅដូចជា ពណ៌ លឿង ក្រហម ...។ ប៉ុន្តែបើស្លៀកខោអាវមានឆ្នូតពណ៌តិចតួច ក៏មានផលល្អសម្រាប់អ្នកដែរ ព្រោះអាចជួយលើករូបរាងបានខ្លះ។ នារីធាត់គួរជៀសវាងស្លៀកពាក់សំលៀកបំពាក់មានពណ៌ស្រស់ៗឲ្យសោះ។
៣. ស្វែងរករបស់ជំនួយខាងក្នុង
ជាក់ស្ដែងនាពេលបច្ចុប្បន្ននេះ មានរបស់ជាច្រើនសុទ្ធតែអាចធ្វើឱ្យរាងរបស់អ្នកស្អាតបាន បើទោះជាខ្លួនយើងធាត់ខ្លាំងយ៉ាងណាក៏ដោយ។ អាវទ្រនាប់សម្រាប់រឹបរាង ខោអាវរឹបរាង សុទ្ធតែមានទាំងអស់នៅលើទីផ្សានាពេលបច្ចុប្បន្ន ដូច្នេះមនុស្សស្រីធាត់ៗ សុទ្ធតែអាចទៅស្វែងរកបាន ដើម្បីប្រើប្រាស់។
៤. គ្រឿងលំអខាងក្រៅ បន្លំ
ត្បិតតែធាត់មែន ប៉ុន្តែបើយើងមានរបស់របរខាងក្រៅបន្ថែម អាចនឹងបំបាត់ភាពធាត់របស់យើងបានខ្លះ។ ជាក់ស្ដែងមនុស្សធាត់ គេតម្រូវឱ្យទិញគ្រឿងអលង្ការណាដែលមានពណ៌រាងឆើតបន្តិច ហើយបើពាក់ក្រវិលវិញ ត្រូវឱ្យមានរាងធំៗ។ ដោយឡែកការតុបតែងមុខក៏អីចឹងដែរ មិនត្រូវប្រើម្សៅខ្លាំងពេកទេ តែក៏ត្រូវប្រើម្សៅណាដែលមានសភាពរាបៗ និងជាប់បានយូរដែរ៕
ចុចអាន៖របៀបជ្រើសរើសរ៉ូបឲ្យស៊ីនឹងទម្រង់ត្រគាក