ប្រពន្ធ Jay Chou ជូនកាដូប្ដីឡាន Lamborghini តម្លៃ៣០ម៉ឺនដុល្លារក្នុងថ្ងៃខួបកំណើត
- 2018-12-28 05:30:00
- ចំនួនមតិ 0 | ចំនួនចែករំលែក 0
ប្រពន្ធ Jay Chou ជូនកាដូប្ដីឡាន Lamborghini តម្លៃ៣០ម៉ឺនដុល្លារក្នុងថ្ងៃខួបកំណើត
ពេលថ្មីៗនេះក្នុងឱកាសខួបកំណើតវ័យ ៤០ ឆ្នាំ របស់កំពូលតារាចម្រៀង និងសម្ដែងតៃវ៉ាន់ Jay Chou ប្រពន្ធរបស់លោកបានជូនកាដូជារថយន្តទំនើបបំផុតមួយគ្រឿងម៉ាក Lamborghini តម្លៃរាប់សិបម៉ឺនដុល្លារ។
កាលពីថ្ងៃទី២៦ ខែធ្នូមុននេះ តារាចម្រៀងលំដាប់ A តៃវ៉ាន់ Jay Chou បានទទួលកាដូយ៉ាងភ្ញាក់ផ្អើលពីប្រពន្ធវ័យក្មេងរបស់ខ្លួនគឺតារាសម្ដែងស្រី Hannah។ យោងតាមបណ្ដាញព័ត៌មានក្នុងស្រុកបានឲ្យដឹងថា ក្នុងឱកាសខួបកំណើតលើកទី ៤០ របស់ប្ដី ស្រីស្អាតវ័យ ២៥ ឆ្នាំ បានជូនកាដូដ៏មានតម្លៃគឺរថយន្តម៉ាក Lamborghini តម្លៃឡើងដល់ទៅ ៣០ ម៉ឺនដុល្លារ។
នៅលើបណ្ដាញសង្គមរបស់ខ្លួន ម្ចាស់បទ “Hair Like Snow” បានបង្ហាញភាពភ្ញាក់ផ្អើលថា ខ្លួនមិនដឹងឡើយថាបានកាដូជាឡាន ត្បិតប្រពន្ធដំបូងឲ្យតែប្រអប់កាដូតូចមួយទេ។ តែនៅក្នុងប្រអប់កាដូនោះ គឺសោរឡានថ្មីតែម្ដង ហើយពេលដើរចូលហ្ការ៉ាសឡាន ក៏ឃើញឡានថ្មីភ្លាម។ ទន្ទឹមនឹងគ្នានោះដែរ ប្រភពនានាបានរាយការណ៍ថា តម្លៃខ្លួនរបស់ Hannah បានឡើងខ្ពស់កប់ពពកក្រោយការជាមួយ Jay Chou ជាក់ស្ដែងគឺឡើងច្រើនជាងមុន៦ ដងទើបធ្វើឲ្យនាងមានលទ្ធភាពជូនកាដូមានតម្លៃដូចនេះដល់ស្វាមី៕
ចុចអាន៖Fan Bingbing ខ្ទាតចេញពីបញ្ជីឈ្មោះតារាដែលមានតម្លៃពាណិជ្ជកម្មខ្ពស់បំផុត