ប៉ាក្មេក Yang Mi មិនបដិសេធរឿងមានជនទី៣ក្នុងការលែងលះរបស់កូន
- 2018-12-28 04:00:00
- ចំនួនមតិ 0 | ចំនួនចែករំលែក 0
ប៉ាក្មេក Yang Mi មិនបដិសេធរឿងមានជនទី៣ក្នុងការលែងលះរបស់កូន
នៅពេលត្រូវអ្នកកាសែតសួរជីកឫសជីកគល់ថា ការលែងលះរបស់អតីតប្ដីប្រពន្ធកំពូលតារាសម្ដែង Yang Mi និង Hawick Lau មានការជ្រៀតជ្រែករបស់ជនទី៣ឬអត់ ឪពុកខាងប្រុសមិនបានបដិសេធនោះឡើយ។
ទោះមានរយៈពេលបុន្មានថ្ងៃមកហើយនៃរឿងរ៉ាវលែងលះរបស់របស់អតីតគូស្នេហ៍តារាសម្ដែងជួរមុខចិន Yang Mi និង Harwick Lau ក៏ដោយ ក៏វានៅតែជាប្រធានបទដ៏ក្ដៅគគុកនៅលើបណ្ដាញព័ត៌មានចិន។ ខណៈការចាប់អារម្មណ៍នៅតែផ្ដោតលើតារាទាំង២នោះ កាលពីល្ងាចថ្ងៃទី២៥ ខែធ្នូនេះ សិល្បករជើងចាស់ Lau Dan ឪពុកបង្កើតរបស់ Harwick Lau បានជួបឆ្លើយតបនឹងអ្នកកាសែតជុំវិញរឿងរ៉ាវលែងលះរបស់កូនប្រុសខ្លួន។
តារាជើងចាស់រូបនេះ ប្រាប់អ្នកគាំទ្រកុំឲ្យព្រួយបារម្ភត្បិតទាំងកូនខ្លួន និងអតីតកូនប្រសារមិនអីទេ ព្រោះរឿងលែងលះនេះពួកគេបានពិភាក្សាគ្នាច្បាស់លាស់ និងម៉ត់ចងត់ណាស់ មុនពេលឈានដល់ដំណាក់កាលចុងក្រោយនេះ។ យ៉ាងណាក្ដីអ្វីដែលធ្វើទស្សនិកជនចាប់អារម្មណ៍ខ្លាំងបំផុតនោះគឺ ឪពុកប្រុសស្អាតវ័យ ៤៤ ឆ្នាំមិនបានបដិសេធរឿងមានជនទី៣ក្នុងការលែងលះរបស់កូនខ្លួនឡើយ។
ជាក់ស្ដែងនៅពេលអ្នកកាសែតសួរថា មានអ្នកទី៣ឬអត់ ទើបកូនលោកសម្រេចលែងលះបែបនេះ លោកបានបង្វែរទៅសំនួរផ្សេងដោយមិនហ៊ានឆ្លើយនឹងសំនួរនេះឡើយ។ សកម្មភាពនេះបានធ្វើឲ្យអ្នកគាំទ្រសង្ស័យថា ពិតជាមានអ្នកទី៣ចូលមកហើយ ទើបធ្វើឲ្យមង្គលការរបស់តារាទាំង២ឈានដល់ចំណុចបញ្ចប់បែបនេះ៕
ចុចអាន៖ឃើញរូបភាពជុំគ្រួសារលើកចុងក្រោយ ធ្វើឲ្យគេអាណិតកូនស្រី Yang Mi-Harwick Lau ខ្លោចចិត្ត