ចង់ដើរលេងក្រៅប្រទេសមានសុវត្ថិភាព ស្រីៗកុំភ្លេចក្បួន ៦ យ៉ាងនេះ
- 2018-12-27 11:00:00
- ចំនួនមតិ 0 | ចំនួនចែករំលែក 0
ចង់ដើរលេងក្រៅប្រទេសមានសុវត្ថិភាព ស្រីៗកុំភ្លេចក្បួន ៦ យ៉ាងនេះ
នៅពេលមនុស្សស្រីធ្វើដំណើរទៅក្រៅប្រទេសម្ដងៗ មានរឿងជាច្រើនដែលពួកគេតែងតែជួបប្រទះ ខណៈដែលរឿងខ្លះអាចជាល្អនិងខ្លះទៀតអាចជាអាក្រក់ ស្មានមិនត្រូវនោះទេ។ ខាងក្រោមនេះជាយុទ្ធសាស្ត្រ សម្រាប់ស្រីៗ បើចង់ទៅដើរលេងនៅក្រៅប្រទេសម្នាក់ឯង៖
១.ដើរឱ្យដូចជានៅស្រុកកំណើតខ្លួនឯង
បើទោះជាទៅប្រទេសដែលមិនស្គាល់ក៏ដោយ ប៉ុន្តែអ្នកត្រូវតែធ្វើដំណើរទៅណាមកណា ឱ្យដូចជាស្គាល់ច្បាស់អីចឹង ដើម្បីជៀសវាងជនខិលខួចមើលដឹងថាអ្នកជាមនុស្សស្រី មកពីក្រៅស្រុក។
២.ត្រូវតែប្រើ Social Media ដាច់ខាត
ពេលធ្វើដំណើរទៅក្រៅ អ្នកត្រូវតែទិញកញ្ចប់សេវាអីនធើណែតនៅប្រទេសនោះទុកប្រើប្រាស់។ នេះជាវិធីមួយសម្រាប់អ្នក ប្រសិនបើវង្វេងផ្លូវអាចប្រើ Social Media ឬអ្វីផ្សេងទាក់ទងរកជំនួយបាន។
៣.ត្រូវជិះឡានឬរថភ្លើងដែលស្គាល់ច្បាស់
ទៅក្រៅស្រុក ធ្វើយ៉ាងណាត្រូវប្រាកដខ្លួនឯង មុនឡើងជិះឡានឬរថភ្លើងត្រូវច្បាស់ថាវាមានសុវត្ថិភាព។ ខណៈដែលបើមិនច្បាស់ទេ ត្រូវមើលគេមើលឯងសិនទៅ ថាមានគេជិះឬអត់ ដើម្បីជៀសវាងជនបោកប្រាស់យើង។
៤.ត្រូវចេះសួរនាំគេ
មិនត្រូវមានភាពខ្មាសអៀនទេ អ្នកត្រូវចេះសួរនាំគេ ប្រសិនបើមិនច្បាស់កន្លែងណាមួយ។ នៅពេលដែលអ្នកអាចបង្កើតទំនាក់ទំនងបានហើយ នោះអ្នកមិនងាយវង្វេងទេ។ ការបង្កើតទំនាក់ទំនង មនុស្សមានភាពងាយស្រួលណាស់។
៥.កុំប្រាប់នរណាគេ ថាយើងទៅម្នាក់ឯង
បើមិនប្រាប់គេថានៅម្នាក់ឯងទេ វាជារឿងមានសុវត្ថិភាពបំផុតសម្រាប់យើងនៅក្រៅស្រុក។ បើទោះជាយើងមិនដើរគ្នាច្រើន ប៉ុន្តែគេក៏មិនអាចសន្និដ្ឋានថាយើងទៅម្នាក់ឯងបានដែរ។
៦.កុំខ្លាចនិយាយថាទេ
រឿងខ្លះបើមិនច្បាស់ខ្លួនឯងទេ គេនិយាយអ្វីឬប្រើទៅណា ក៏ត្រូវតែនិយាយពាក្យថា NO ដែរ ព្រោះវាអាចការពារយើងបាន ជៀសវាងគេនាំយើងទៅកន្លែងមិនល្អណាមួយ៕
ចុចអាន៖មានមិត្តភ័ក្តិច្រើនតែអត់ប្រយោជន៍ បើដកចេញខ្លះកាន់តែល្អ