បញ្ចូលលុយ ផាយផេ ឲ្យពេញណា! Brand ល្បីៗ ច្រើនណាស់ បញ្ចុះរឹតតែពិសេសជាមួយ App នេះ

2018-12-18 10:34:49
ចំនួនមតិ 0 | ចំនួនចែករំលែក 0

នៅថ្ងៃទី ២៣ និង ២៤ ខែធ្នូ ខាងមុខនេះ ព្រឹត្តិការណ៍ដាក់លក់ទំនិញដ៏ធំជាងគេប្រចាំឆ្នាំ ឈ្មោះថា"ពិព័រណ៍នារីសម័យថ្មី" ឬ ”Ladies’ Fair Shopping Festival 2018” នឹងចេញរូបរាងជាផ្លូវការនៅសាលតាំងពិព័រណ៍កោះពេជ្រ។

ទំនិញ និងសេវាកម្មជាង ៣០០ ស្ដង់ នឹងត្រូវដាក់បង្ហាញជាមួយតម្លៃដ៏ពិសេស រួមមានដូចជា គ្រឿងតុបតែងខ្លួន សម្ភារៈកីឡា សម្ភារៈផ្ទះបាយ ផលិតផលកូនក្មេង ផលិតផលទាក់ទងនឹងសុខភាព អាហារ ភេសជ្ជៈ សម្ភារៈសិក្សា សេវាទេសចរណ៍ និងអចលនទ្រព្យជាដើម ម្ហូបអាហារដ៏ឈ្ងុយឆ្ងាញ់ជាដើម។ ព្រឹត្តិការណ៍នេះ កំពុងទាក់ចិត្តយុវវ័យ និងស្រ្តីបុរសជាច្រើន ហើយត្រូវបានរំពឹងថានឹងមានអ្នកចូលរួមលើសពី ២ ម៉ឺននាក់ សម្រាប់ការបង្ហាញខ្លួនជាលើកដំបូងបំផុតនៅកម្ពុជានេះ។

កម្មវិធីនេះ នាំមកជូនដោយ ផាយផេ (Pi Pay ) ដែលជាសេវាទូទាត់ដោយមិនប្រើក្រដាសប្រាក់សម្រាប់អ្នកដើរទិញទំនិញ ដែលបង្កើនភាពងាយស្រួល និងសុវត្ថិភាព សម្រាប់រាល់ការទូទាត់តាមកម្មវិធីទូរសព្ទ។

លោក ថូម៉ាស ផូកូនី (Tomas Pokorny) នាយកប្រតិបត្តិ ក្រុមហ៊ុន ផាយ ផេ បង្ហើបថា ម៉ាកល្បីៗដូចជា Under Armour, Dapper, Krispy Kreme និងម៉ាកជាច្រើនផ្សេងៗទៀត បានចុះឈ្មោះចូលរួមក្នុងព្រឹត្តិការណ៍នេះរួចរាល់ហើយ ដូច្នេះប្រើជាមួយសេវាកម្ម PiPay ដើម្បីទទួលបានតម្លៃរឹតតែពិសេសជាធម្មតា។

លោក បន្តថា៖ «យើងមានក្តីរំភើបរីករាយ ក្នុងការចូលរួមក្នុងព្រឹត្តិការណ៍ដ៏ធំមួយនេះ ដែលបានជួយគាំទ្រដល់ការផ្សព្វផ្សាយ ម៉ាក និងហាងទំនិញមួយចំនួនដ៏ធំបំផុតក្នុងព្រះរាជាណាចក្រកម្ពុជា ខណៈមនុស្សកាន់តែច្រើនឡើងកំពុងតែចាប់ផ្តើមប្រើប្រាស់សេវាទូទាត់មិនប្រើក្រដាសប្រាក់សម្រាប់ការរស់នៅប្រចាំថ្ងៃ។ ដូច្នេះយើងគិតថា នេះពិតជាមានសារៈសំខាន់ណាស់ក្នុងការបង្ហាញឲ្យអ្នកដែលមិនទាន់បានប្រើប្រាស់ យល់ឃើញពីភាពងាយស្រួលនៃការប្រើប្រាស់សេវាទូទាត់ប្រកបដោយបច្ចេកវិទ្យាទំនើបនេះ"។

សម្រាប់ពាណិជ្ជករដែលមានចំណាប់អារម្មណ៍ក្នុងការសហការជាមួយ ផាយ ផេ ដើម្បីផ្ដល់សេវាទូទាត់មិនប្រើក្រដាសប្រាក់ សូមទំនាក់ទំនងមកកាន់លេខ៖ 1800 20 9999 ៕

អត្ថបទ៖ សុខណា

ពាក្យទាក់ទង