ថតពាណិជ្ជកម្មថ្មី ប្រពន្ធ Rain ត្រូវគេរិះគន់ថាមុខដូចអ៊ុំស្រី ទោះជាតារាស្អាតលេខ១ក៏ដោយ
- 2018-12-17 02:46:43
- ចំនួនមតិ 0 | ចំនួនចែករំលែក 0
ថតពាណិជ្ជកម្មថ្មី ប្រពន្ធ Rain ត្រូវគេរិះគន់ថាមុខដូចអ៊ុំស្រី ទោះជាតារាស្អាតលេខ១ក៏ដោយ
នៅក្នុងស្ប៉តពាណិជ្ជកម្មថ្មីបំផុត ទោះបីជាកំពូលតារាសម្ដែងស្រីកូរ៉េ Kim Tae Hee នៅតែមានសម្រស់ស្រស់បំព្រងក៏ដោយ តែនៅតែទទួលមតិអវិជ្ជមានពីទស្សនិកជនដដែលដោយសារបញ្ហាសម្រស់របស់ខ្លួន។
តារាសម្ដែងស្រីកូរ៉េជួរមុខ Kim Tae Hee ត្រូវបានចាត់ទុកថាជាសិល្បការិនីដែលសម្រស់លេចធ្លោខ្លាំងបំផុតក្នុងរង្វង់សិល្បៈកូរ៉េ ដោយរាល់ការជ្រើសរើសរាជិនីសម្រស់ប្រចាំឆ្នាំតែងឈរលំដាប់ខ្ពស់ជានិច្ច។ យ៉ាងណាក្ដី នៅពេលដែលអាយុចាប់ផ្ដើមជ្រេជាងមុន ទស្សនិកជនបែរជាបកមករិះគន់សម្រស់ស្រីស្អាតវ័យ៣៨ឆ្នាំវិញម្ដង ទោះបីជារូបសម្រស់នាងមិនសូវផ្លាស់ប្ដូរច្រើនប៉ុន្មានក៏ដោយ។
ជាក់ស្ដែង កាលពីពេលថ្មីៗនេះ នៅពេលថតពាណិជ្ជកម្មឲ្យម៉ាកគ្រឿងសំអាងល្បីឈ្មោះមួយ ប្រពន្ធកំពូលតារាសម្ដែង និងចម្រៀង Rain នៅតែបង្ហាញសម្រស់គួរឲ្យច្រណែនរបស់ខ្លួនដដែល។ តែអ្នកគាំទ្រជាច្រើនបែរជាបញ្ចេញមតិថា អ្នកម្ដាយកូន១ពេលនេះចាស់ហើយ មុខដូច ahjuma (អ៊ុំស្រី)៕