ចង់ឲ្យមិត្តប្រុសបំភ្លេចសង្សារចាស់ ទាល់តែអ្នកធ្វើរឿង ៥ យ៉ាងនេះ

2018-12-16 01:00:00
ចំនួនមតិ 0 | ចំនួនចែករំលែក 0

យកវត្ថុអនុស្សាវរីយ៍ចាស់របស់គេទៅចោល គឺជាវិធីដ៏ល្អដើម្បីឲ្យមិត្តប្រុសអ្នកបំភ្លេចសង្សារគេបាន។ នៅមានវិធីជាច្រើនយ៉ាងទៀតដូចជា៖

១.យកវត្ថុអនុស្សាវរីយ៍ចាស់របស់គេទៅចោល

ទង្វើនេះមិនមែនមានន័យថាយើងជាមនុស្សចេះដឹងរឿងគេទេ។ តែអាចធ្វើឲ្យមិត្តប្រុសអ្នកភ្លេចសង្សារ ព្រោះគាត់ក៏មិនចង់ឃើញវត្ថុអនុស្សាវរីយ៍ចាស់ៗរបស់គេដែរ គ្រាន់តែមិនដាច់ចិត្តយកទៅចោលដោយខ្លួនឯងប៉ុណ្ណោះ។ គាត់អាចនឹងអរគុណ និងតបស្នងដល់អ្នកដែលជួយឲ្យវត្ថុអង្គាសចិត្តទាំងនោះបាត់ពីមុខគេថែមទៀតផង។

២.ណែនាំគាត់ទៅមនុស្សជុំវិញខ្លួនអ្នក

ការណែនាំសង្សារទៅមនុស្សជុំវិញខ្លួនអ្នកឲ្យស្គាល់ នឹងធ្វើឲ្យគាត់មានអារម្មណ៍កក់ក្ដៅ និងរំភើបចំពោះទង្វើខាងលើ។ ខណៈដែលអ្នកចាស់មិនធ្លាប់ធ្វើបែបនេះ ហើយក៏ជាពេលវេលាដែលបុរសកាន់តែបាក់ចិត្តលើអ្នកខ្លាំងឡើង។

៣.ធ្វើមិនដឹងមិនឮ

អ្នកគួរធ្វើឬពារមិនដឹងមិនឮ ពេលមានមិត្តភ័ក្ដិគេសួរនាំរឿងសង្សារគេនៅចំពោះមុខអ្នក។ តែបែរជាអ្នកគួរតែនៅស្ងៀមហើយនាំគេនិយាយពីរឿងការងារ ឬរឿងសប្បាយៗវិញ។ បែបនេះបុរសនឹងខ្លាចចិត្តអ្នក ហើយប្រាប់មិត្តភ័ក្ដិកុំឲ្យរំលឹកពីគេនោះទៀត។

៤.កុំធ្វើតាមអ្នកចាស់គាត់

ពេលបែកពីសង្សារចាស់ ហើយមកស្រលាញ់អ្នកបុរសនោះនឹងនិយាយរឿងសង្សារចាស់គាត់ប្រាប់អ្នកខ្លះៗមិនខាន។ តែអ្នកមិនគួរធ្វើ ឬយកត្រាប់តាម និងរស់និយមដូចអ្នកចាស់របស់គេទេ។ ធ្វើបែបនោះសង្សារអ្នកនឹងរឹតតែនឹកសង្សារចាស់គាត់លើសដើម។ អ្នកត្រូវធ្វើ គឺផ្ទុយពីអ្នកចាស់ ទើបគាត់មានអារម្មណ៍ថ្មី និងមិនប្រើការស្រលាញ់សេសសល់មកលើអ្នក តែជាក្ដីស្រលាញ់ចេញពីបេះដូងពិតៗ។

៥.កុំផ្ដល់សម្ពាធ

ប្រសិនបើអ្នកឃើញលេខសង្សារចាស់តេមក ហើយមិនចង់លើក អ្នកគួរតែប្រាប់គាត់ឲ្យឆាប់លើកនិយាយ និងកុំបង្ហាញទឹកមុខដែលផ្ដល់សម្ពាធអ្វីដល់គេឲ្យសោះ។ គួរតែបង្គាប់ឲ្យគាត់និយាយជាមួយសង្សារចាស់គាត់ដោយពាក្យល្អៗ។ ធ្វើបែបនេះគាត់នឹងគិតថាអ្នកជាមនុស្សស្រីដ៏ល្អម្នាក់ មិនត្រឹមតែមិនប្រច័ណ្ឌទេ ថែមទាំងមានហេតុផល និងគិតផ្លូវល្អជានិច្ច៕

ចុចអាន៖រឿងដែលមនុស្សគ្រប់គ្នាគួរធ្វើក្នុងជីវិតស្នេហា ដើម្បីកុំឲ្យមានវិប្បដិសារី

ប្រភព៖ Likelovequotes ប្រែសម្រួល៖ ទ្រី រ៉ាវី