បើមិនចង់មានស្នេហាបែបសាមញ្ញៗ តែពិតប្រាកដនឹងគ្នាបែបនេះទើបចម្លែក
- 2018-12-14 07:30:00
- ចំនួនមតិ 0 | ចំនួនចែករំលែក 0
បើមិនចង់មានស្នេហាបែបសាមញ្ញៗ តែពិតប្រាកដនឹងគ្នាបែបនេះទើបចម្លែក
ប្រហែលនៅលើលោកនេះ រឿងដែលអស្ចារ្យបំផុតសម្រាប់ស្នេហា មិនមែនជាពាក្យសន្យា មិនមែនជាការបង្អួតឲ្យមនុស្សគ្រប់គ្នាបានដឹង តែវាជាកាតព្វកិច្ច ការតាំងចិត្តរវាងមនុស្សពីរនាក់ដែលស្រលាញ់គ្នា។ ទោះបីជាត្រូវប្រើជីវិតបែបសាមញ្ញជារៀងរាល់ថ្ងៃ រស់នៅជាមួយមនុស្សដែលខ្លួនស្រលាញ់ យល់ចិត្តគ្នាទៅវិញទៅមក ក៏សប្បាយគ្មានអ្វីអាចប្រៀបផ្ទឹមបានឡើយ។ សុភមង្គល កើតចេញពីអារម្មណ៍ពិសេសម្យ៉ាង ដែលអ្នកគ្មានចំពោះនរណាក្រៅពីគាត់។ បើអ្នកពិតជាមានអារម្មណ៍បែបនេះមែន សូមថែរក្សាឲ្យបានគង់វង្ស ពេញចិត្តនូវអ្វីដែលខ្លួនកំពុងតែមាន។
ស្នេហាបែបសាមញ្ញ ទោះគ្មានសម្ភារនិយម ត្រឹមសម្លឹងកែវភ្នែកគ្នាក៏រំភើបញាប់ញ័រ។
ស្នេហាបែបសាមញ្ញ ពុំចាំបាច់ចូលហាងទំនើបថ្លៃៗ គ្រាន់តែបណ្ដើរកូនឆ្កែ កាន់ដៃ និយាយគ្នាលេង ញ៉ាំអីតិចតួច ក៏សប្បាយហួសថ្លែង។
ពេលខឹងអន់ចិត្ត មាត់នៅស្ងៀម តែក្នុងចិត្តវិញចង់និយាយរកគ្នាខ្លាំងណាស់។
ស្នេហាពិត ត្រូវចេះអត់អោន អធ្យាស្រ័យកំហុស ដោះស្រាយបញ្ហារួមគ្នា។
ស្នេហាមានន័យ នៅពេលមនុស្សពីរនាក់អាចនៅក្បែរគ្នា បង្កើតអនុស្សាវរីយ៍ផ្អែមល្ហែមជាមួយគ្នា។
ស្នេហាមានន័យ នៅពេលមនុស្សដែលខ្លួនស្រលាញ់ ចេះបង្ហាញភាពថ្នាក់ថ្នម ក្តីបារម្ភ ចេញពីទឹកចិត្តពិត។
ដៃទាំងពីរកាន់ចូលគ្នាមើលទៅធម្មតា តែវាមានភាពកក់ក្តៅខ្លាំងណាស់។
ស្នេហាពិត ហ៊ានគិតគូពីរឿងអនាគត ចង់រស់នៅជាមួយគ្នាដល់ចាស់កោងខ្នង។
នៅទីបញ្ចប់ ស្នេហាពិត គឺជាអារម្មណ៍សប្បាយរីករាយ ភាពពេញលេញ ក្នុងការជ្រើសរើសនរណាម្នាក់មកធ្វើជាគូគាប់ពេញមួយជីវិត៕ ចុចអានបន្ត៖ ទទួលយកស្នេហាបែបណាទើបមិនសូវឈឺចាប់? អ្វីដែលមនុស្សស្រីគួរដឹង និងស្វែងយល់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
