ធ្លាយរូប Dilraba កាលមិនទាន់ចូលសិល្បៈ សង្ស័យកែច្រមុះ និងចាក់បំពេញមុខ

2018-12-14 02:11:11
ចំនួនមតិ 0 | ចំនួនចែករំលែក 0

កម្រងរូបភាពថតបែបមង្គលការឲ្យស្ទូឌីយ៉ូមួយរបស់តារាសម្ដែងស្រីចិនកំពុងឡើងកូដ Dilraba មុនពេលនាងចូលសិល្បៈកំពុងតែទទួលបានការចាប់អារម្មណ៍ខ្លាំង ព្រោះមុខរបស់នាងខុសពីឥលូវឆ្ងាយ។

Dilraba បច្ចុប្បន្ន

អាចនិយាយបានថា ក្នុងចំណោមតារាសម្ដែងស្រីចិនស្រករក្រោយទាំងអស់នាពេលបច្ចុប្បន្ន Dilraba គឺមានកន្លែងឈរបាននឹងជាងគេ ត្បិតរាល់គម្រោងរឿង ក៏ដូចជាកម្មវិធីដែលនាងចូលរួមគឺសុទ្ធតែទទួលបានការចាប់អារម្មណ៍យ៉ាងខ្លាំងពីទស្សនិកជន ទោះសមត្ថភាពរបស់នាងនៅមានកម្រិត និងតែងត្រូវរិះគន់ក៏ដោយ។ ក្រៅពីស្នាដៃសិល្បៈ ស្រីស្អាតវ័យ២៦ឆ្នាំក៏បង្ករការចាប់អារម្មណ៍ដោយសារសម្រស់ស្រស់ស្អាតពិបាករកអ្នកផ្ទឹមរបស់ខ្លួនផងដែរ។

ខណៈអ្នកគាំទ្រតែងអះអាងថាតារាក្នុងដួងចិត្តខ្លួនមានសម្រស់ស្អាតពីធម្មជាតិនោះ ថ្មីៗនេះ កម្រងរូបភាពតួរឿង “ស្នេហាទេវតា៣ជាតិ” ថតឲ្យស្ទូឌីយ៉ូមួយកាលមិនទាន់ចូលសិល្បៈបានធ្វើឲ្យគេភ្ញាក់ផ្អើលខ្លាំង ត្បិតសម្រស់របស់ Dilraba កាលពីមុនខុសពីឥលូវច្រើន។ ជាក់ស្ដែង ច្រមុះរបស់នាងកាលពីមុនធំជាងឥលូវ ហើយមុខក៏ផតខ្លាំង មិនពេញដូចសព្វថ្ងៃ។ ក្រោយពេលឃើញរូបភាពទាំងនេះ មហាជនបានសន្និដ្ឋានថា តារាកើតឆ្នាំ១៩៩២បានធ្វើការវះកាត់បង្រួមស្លាបច្រមុះដើម្បីឲ្យច្រមុះតូចជាងមុន និងចាក់បំពេញ filler កុំឲ្យមុខបាក់ពេក។ ប្រឈមមុខនឹងមន្ទិលសង្ស័យទាំងនេះ តំណាងរបស់ Dilraba បានរក្សាភាពស្ងៀមស្ងាត់ មិនបានតបតវិញឡើយ៕