ជីវិតឆ្នាំចាស់មិនសូវប្រពៃ ចូលឆ្នាំថ្មី ២០១៩ អ្នកគួរធ្វើរឿងទាំងនេះ
- 2018-12-13 09:30:00
- ចំនួនមតិ 0 | ចំនួនចែករំលែក 0
ជីវិតឆ្នាំចាស់មិនសូវប្រពៃ ចូលឆ្នាំថ្មី ២០១៩ អ្នកគួរធ្វើរឿងទាំងនេះ
នៅឆ្នាំ ២០១៩ អ្នកមិនគួរអនុញ្ញាតឲ្យមនុស្សពិសពុលនៅក្បែរខ្លួនទៀតទេ។ ឆ្នាំថ្មីគិតអ្វីថ្មី អ្វីដែលនាំតែក្ដីសុខសប្បាយមកខ្លួនអ្នកទៅបានហើយ។ ចូរព្យាយាមរកអ្វីដែលសមនឹងខ្លួន ហើយធ្វើយ៉ាងណាឲ្យខ្លួនឯងរីករាយ។
១.កុំព្រមធ្វើមនុស្សល្ងង់ឲ្យអ្នកដទៃមកបោកប្រាស់ម្ដងហើយម្ដងទៀត ដើរចេញពីជីវិតមនុស្សបែបនោះទៅ ព្រោះបន្តិចក្រោយមកអ្នកនឹងជួបមនុស្សស្មោះត្រង់ និងចាត់ទុកអ្នកជាមនុស្សសំខាន់បំផុត។
២.នៅឆ្នាំ ២០១៩ អ្នកគួរខិតខំប្រឹងប្រែងធ្វើអ្វីដែលសំខាន់សម្រាប់ខ្លួនឯង។ កុំខ្ជះខ្ជាយថាមពល ដើម្បីធ្វើរឿងឥតប្រយោជន៍ តែគួរសន្សំវាទុកដើម្បីតតាំងនឹងផ្លូវវែងឆ្ងាយទៀត។ គិតអ្វីដែលត្រូវធ្វើ អ្វីដែលមិនទាន់ធ្វើមិនបាច់គិតទេ ព្រោះនាំឲ្យក្បាលឈឺឥតប្រយោជន៍។
៣.ចាប់ពីថ្ងៃចូលឆ្នាំថ្មីទៅ អ្នកត្រូវថែរក្សាសុខភាពផ្លូវចិត្តឲ្យបានប្រសើរជាងមុន។ ការថប់បារម្ភច្រើននឹងធ្វើឲ្យសុខភាពចុះទ្រុឌទ្រោម ដូចនេះចូលដកដង្ហើមឲ្យបានវែងៗ ជំនួសស្រាពីរបីកែវ។
៤.២០១៩ ទៅអ្នកគួរតែធ្វើឲ្យប្រសើរឡើងនូវទំនាក់ទំនងជាមួយមនុស្សជុំវិញខ្លួន។
៥.នៅឆ្នាំ ២០១៩ អ្នកនឹងមិនគួរបណ្ដោយឲ្យខ្លួនសប្បាយចិត្តចំពោះមនុស្សដែលមិនបានឃើញតម្លៃ ហើយអ្នកក៏គួរបង្ហាញការដឹងគុណចំពោះអ្នកដែលធ្លាប់ជួយអ្នក។
៦.ចាប់ពីខែ ១ ទៅអ្នកគួរតែចាកចេញពីកន្លែងដដែល ដោយមិនគួរបណ្ដោយខ្លួនឲ្យជាប់គាំងនៅមួយកន្លែងទេ។ ធ្វើដំណើរឆ្ពោះទៅកន្លែងប្លែកៗ ដើម្បីទទួលបានអ្វីថ្មីក្នុងជីវិត។
៧.ចាប់ពីឆ្នាំ ២០១៩ ទៅអ្នកត្រូវតែរស់នៅក្នុងជីវិតរីករាយ និងទទួលយកអ្វីដែលខ្លួនសមទទួលបាន៕
ចុចអាន៖មាន ៨ ចំណុចនេះបញ្ជាក់ថាអ្នកជាមនុស្សមានភាពឆ្លាតវៃខ្ពស់ម្នាក់ហើយ