តារាប្រុសស្រីចិន ញ័រសាច់ឡើងកន្ត្រាក់ ពេលចូលរួមកម្មវិធីក្នុងសីតុណ្ហភាព -៨អង្សារ

2018-12-13 03:57:37
ចំនួនមតិ 0 | ចំនួនចែករំលែក 0

កម្មវិធីជាច្រើនត្រូវបានប្រព្រឹត្តឡើងនៅរយៈពេលចុងឆ្នាំ ដែលជាខែរងា បានធ្វើឲ្យសិល្បករ សិល្បការិនីជួបភាពលំបាកជាមួយខ្លាំង ត្បិតសីតុណ្ហភាពពេលខ្លះបានធ្លាក់ដល់អវិជ្ជមាន ធ្វើឲ្យពួកគេត្រជាក់ឡើងញាក់។

រយៈពេលចុងឆ្នាំគឺជាពេលដែលតារាៗរវល់ខ្លាំងបំផុត ជារៀងរាល់ឆ្នាំត្បិត កម្មវិធីប្រគល់ពានរង្វាន់ ក៏ដូចជាកម្មវិធីធំៗនានាត្រូវបានធ្វើឡើងក្នុងខែធ្នូនេះទាំងអស់។ យ៉ាងណាក្ដី នៅប្រទេសចិន ខែធ្នូនេះគឺចូលខែរងារស៊ុបហើយ ដែលជារយៈពេលត្រជាក់បំផុតនៅក្នុងឆ្នាំ។ អាស្រ័យហេតុនេះហើយ មានករណីអស់សំណើចជាច្រើនត្រូវកើតឡើងព្រោះបញ្ហាសីតុណ្ហភាពនេះ។

ដោយហេតុថា ចង់មើលទៅស្អាតពេលចូលកាមេរ៉ា តារាប្រុសស្រីជាច្រើន សុខចិត្តស្លៀកពាក់រ៉ូប ក៏ដូចជាខោអាវស្ដើង ទោះត្រជាក់សឹងកកក៏ដោយ។ ដូចនេះហើយ ទោះបីជារូបភាពលើបណ្ដាញព័ត៌មានមើលទៅស្អាតក៏ពិតមែន តែកម្រងរូបភាពក្រៅឆាកបានបង្ហាញឲ្យឃើញថា ដៃរបស់ស្រីស្រស់ប្រុសទាំងនេះបានក្រហមអស់ហើយ រីឯខ្លួនវិញគឺញ័រឡើងកន្ត្រាក់តែម្ដង៕