ក្បួននៃការប្រើប្រាស់កាយវិការ ដើម្បីបង្កើនទំនុកចិត្តនិងមានទំនាក់ទំនងល្អ
- 2018-12-13 00:00:00
- ចំនួនមតិ 0 | ចំនួនចែករំលែក 0
ក្បួននៃការប្រើប្រាស់កាយវិការ ដើម្បីបង្កើនទំនុកចិត្តនិងមានទំនាក់ទំនងល្អ
តើអ្នកដឹងទេថា ភាសាដោយប្រើកាយវិការនេះ សំខាន់មិនចាញ់ភាសានិយាយ? ការមានប្រាស្រ័យទាក់ទងល្អជាមួយអ្នកដទៃ ក៏អាស្រ័យទៅលើកាយវិការនេះដែរ។ ត្រឹមសម្តីផ្អែមពិរោះ តែសម្តែងកាយវិការចេញមក ច្រលើសបើសមិនសមគួរ តើមាននរណាគេអាចទុកចិត្តអ្នកបានទៅ?
ខាងក្រោមនេះ គឺជាការណែនាំពីក្បួននៃកាពប្រើប្រាស់កាយវិការត្រឹមត្រូវជាផ្លូវការ ដោយរៀបរាប់អត្ថន័យតាមលេខរៀងនិមួយៗ រួមទាំងរូបភាពជាឧទាហរហ៍ស្រាប់។
១. ឈរឲ្យត្រង់ខ្លួនដោយពុំចាំបាច់ប្រឹង។
២. បើកស្មាទាំងសងខាងឲ្យស្រឡះ ប៉ុន្តែមិនពើងទ្រូង។
៣. បញ្ឈរខ្នងឲ្យត្រង់ពេលអង្គុយ។
៤. ពេលឈរ ត្រូវដាក់គម្លាតជើងទាំងសងខាងឲ្យស្មើនឹងត្រគាក។
៥. ភឺតពោះបន្តិច ដើម្បីការពារមិនឲ្យឃើញក្បាលពោះលេចចេញមកខាងក្រៅពេក។
៦. ព្យាយាមធ្វើកាយវិការឲ្យត្រូវគ្នា ជាមួយមនុស្សដែលអ្នកកំពុងសន្ទនាជាមួយ។
៧. ឈរឲ្យនឹង កុំរើខ្លួនម្តងទៅនេះម្តងទៅនោះ នៅមិនស្ងៀម។
៨. ញញឹមរាល់ពេលដែលអ្នកដើរចូលទៅកន្លែងណាមួយ។
៩. ពេលចាប់ដៃគ្នា ត្រូវចាប់ដោយភាពជឿជាក់និងថ្នម។
១០. ពេលចាប់ដៃ ត្រូវសម្លឹងមើលភ្នែកគ្នាទៅវិញទៅមក។
១១. ញញឹមពេលជួបមនុស្សថ្មី ដែលអ្នកត្រូវគោរព។
១២. កុំយកខ្នងទៅផ្អែកលើជញ្ជាំងឬរបស់អ្វីមួយ។
១៣. រក្សាទឹកមុខឲ្យស្រស់ស្រាយជានិច្ច។
១៤. មើលភ្នែក ពេលនិយាយទៅកាន់នរណាម្នាក់។
១៥. រៀនញញឹមឲ្យចេញពីចិត្ត។
១៦. ស្តាប់ដោយយកចិត្តទុកដាក់ពេលសន្ទនាគ្នា។
១៧. បង្ហាញពីភាពយកចិត្តទុកដាក់របស់អ្នក ទៅកាន់ដៃគូសន្ទនា។
១៨. ស្តាប់ដោយប្រុងប្រយ័ត្ន និងព្យាយាមយល់ពីអ្វីដែលដៃគូសន្ទនារបស់អ្នកគិតនៅក្នុងចិត្ត។
១៩. គួរចាត់ទុកមនុស្សដែលអ្នកបានជួប ប្រៀបដូចជាមិត្តភ័ក្តិធ្លាប់ស្គាល់គ្នាពីមុនមក។
២០. ងក់ក្បាលតិចៗ ពេលសន្ទនាគ្នា។
២១. សម្តែងអកប្បកិរិយារួសរាយរាក់ទាក់ ពេលជួបនរណាម្នាក់។
២២. ពេលជួបមនុស្សថ្មី គួរចេះនិយាយសួរនាំគ្នា។
២៣. អាចយកដៃប៉ះតិចតូច ដើម្បីបង្កើនភាពស្និទ្ធស្នាលជាងមុន។
២៤. និយាយតាមសម្រួល ជៀសវាងកុំឲ្យដៃគូហត់តាមអ្នក។
២៥. ទម្លាក់ស្មាចុះ និងបើកឡើងមកវិញដោយមិនបាច់ខំប្រឹង។
២៦. មិនត្រូវដាក់ដៃទាំងពីរខ្វែងគ្នា។
២៧. ឈរដោយភាពរឹងប៉ឹងដដែល៕