ស្បែកស្ងួត រមាស់ គួរដឹងតិចនិកថែរក្សាឲ្យបានស្អាត និងមានសំណើម
- 2018-12-12 08:38:44
- ចំនួនមតិ 0 | ចំនួនចែករំលែក 0
ស្បែកស្ងួត រមាស់ គួរដឹងតិចនិកថែរក្សាឲ្យបានស្អាត និងមានសំណើម
សុខភាពស្បែកគឺសំខាន់ណាស់សម្រាប់មនុស្សទូទៅ ហើយជាពិសេសនោះគឺចំពោះមនុស្សស្រីតែម្ដង ដូច្នេះហើយអ្នកត្រូវតែយកចិត្តទុកដាក់ឲ្យមែនទែន។ ស្បែកគឺមានសភាពខុសគ្នាទៅតាមមនុស្សផ្សេងៗគ្នា ហើយការថែរក្សាក៏ត្រូវអនុវត្តឲ្យត្រឹមត្រូវទៅតាមប្រភេទស្បែកដែរ។ ចំពោះអ្នកដែលមានស្បែកស្ងួត រមាស់ គួរដឹងតិចនិកថែរក្សាឲ្យបានស្អាត និងមានសំណើមដូចខាងក្រោមនេះ៖
១. ត្រូតពិនិត្យអាងទឹក ឬទឹកដែលអ្នកងូត ឬមុជ
ស្បែកស្ងួត និងរមាស់អាចមកពីអាងទឹក ឬទឹកដែលអ្នកងូតមិនស្អាត ឬមានបាក់តេរីច្រើន ដូច្នេះអ្នកគួរតែពិនិត្យមើលអាងទឹកអ្នកដោយសម្អាតឲ្យបានស្អាត។ លើសពីនេះទឹកដែលអ្នកងូតក៏ត្រូវជាទឹកស្អាត គ្មានសារជាតិគីមីដែរ។
២. ប្រេងដូង
ប្រសិនបើអ្នកមានស្បែកស្ងួត រមាស់អ្នកអាចប្រើប្រេងដូងដើម្បីជួយបានព្រោះប្រេងដូងអាចជួយរក្សាស្បែករបស់អ្នកឲ្យមានសំណើម និងរក្សាការពារស្បែកពីការបំផ្លាញរបស់មជ្ឈដ្ឋានខាងក្រៅ។ អ្នកអាចប្រើប្រេងដូងលាបលើស្បែក ឬអាចលាយជាមួយនឹងគ្រឿងផ្សំធម្មជាតិផ្សេងទៀតក្នុងការខាត់ស្បែក ដើម្បីជួយឲ្យស្បែកភ្លឺថ្លា មានសំណើម និងកាតបន្ថយការរមាស់។
៣. ការប្រើប្រាស់សាប៊ូដុសខ្លួនឲ្យបានត្រឹមត្រូវ
អ្នកត្រូវចេះជ្រើសរើសសាប៊ូឲ្យត្រូវនឹងប្រភេទស្បែក ព្រោះបើអ្នកប្រើខុសអ្នកអាចខាតទាំងលុយ ខាតទាំងពេលដោយសារតែគ្មានបានលទ្ធផលអី ហើយអាចបង្កឲ្យស្បែកមានបញ្ហាក៏មាន។
អ្នកអាចជ្រើសយកសាប៊ូ Gentle Cleanser បានព្រោះវាជាសាប៊ូដុសខ្លួនត្រូវគ្រប់ប្រភេទស្បែក ហើយជាពិសេសវាអាចជួយអ្នកក្នុងការព្យាបាលស្បែកស្ងួត រមាស់បានយ៉ាងល្អទៀតផង។ អត្ថប្រយោជន៍នៃសាប៊ូនេះ៖
@ឲ្យស្បែកមានសំណើម និងជួយការពារការបាត់បង់ជាតិទឹកធ្វើអោយស្បែកទន់ រលោង
@បង្កើនប្រសិទ្ធភាពនៃរនាំងការពារស្បែកពីបរិយាកាសខាងក្រៅ
@បានធ្វើតេស្តវេជ្ជសាស្ត្រ និងទទួលស្គាល់ដោយអ្នកជំនាញសើរស្បែក
អ្នកអាចរកទិញសាប៊ូ Gentle Cleanser នៅគ្រប់សាខារបស់ហ្វាម៉ាស៊ី Guardian
៤. ប្រើឡេផ្ដល់សំណើម
ការប្រើឡេផ្ដល់សំណើមគឺមានសារសំខាន់ណាស់ ព្រោះវាអាចជួយថែរក្សាស្បែកអ្នកឲ្យមានសំណើម និងជួយឲ្យស្បែកទន់រលោង។ អ្នកគួរតែទម្លាប់លាបឡេផ្ដល់សំណើមឲ្យបានជាប្រចាំ ជាពិសេសមុនពេលចេញទៅក្រៅតែម្ដង៕
ចុចអាន៖៥វិធីជួយជួសជុលស្បែកខូច ស្រអាប់បានយ៉ាងមានប្រសិទ្ធភាព