ស្នេហាតែងតែគួរឲ្យទុកចិត្ត មានតែចិត្តមនុស្សទេទើបមិនអាចទាយមុនបាន
- 2018-12-12 02:12:07
- ចំនួនមតិ 0 | ចំនួនចែករំលែក 0
ស្នេហាតែងតែគួរឲ្យទុកចិត្ត មានតែចិត្តមនុស្សទេទើបមិនអាចទាយមុនបាន
ថ្ងៃម្សិលមិញ បុរសដែលស្បថថានឹងស្រលាញ់អ្នកដល់ស្លាប់នោះ មិនប្រាកដថាថ្ងៃស្អែកគេមិនលង់ស្រលាញ់នឹងអ្នកស្រីផ្សេងនោះឡើយ។ ចឹងបានថា ស្នេហានៅតែជាស្នេហា តែអ្វីដែលផ្លាស់ប្ដូរនោះគឺគ្រាន់តែជាចិត្តមនុស្សតែប៉ុណ្ណោះ។
ជាមួយនឹងចង្វាក់ជីវិតរវល់នៅដូចសព្វថ្ងៃ សំនួរដែលគេតែងសួរគ្នានោះគឺ មានស្នេហាពិតប្រាកដឬអត់? បើក្នុងសង្គមពេលនេះមានតែការបោកប្រាស់ បោកបញ្ឆោត ហើយសម្លឹងមើលឃើញតែទ្រព្យរបស់គ្នានោះ។ គេប្រាប់គ្នាតថា បើសិនជាសម័យនេះ រកបានស្នេហាបែបនេះត្រូវឱបក្រសោបឲ្យជាប់ ព្រោះពិបាករកជាងចាប់ផ្កាយលើមេឃទៅទៀត។ សម័យនេះគេនិយមស្រលាញ់គ្នាតែមួយឆាវៗ ស្រលាញ់ឲ្យតែបាន កុំឲ្យគេថាអត់។ សូម្បីតែអ្នកការហើយ ក៏មិនប្រាកដថាមានសុវត្ថិភាពដែរ ព្រោះការហើយតែ១ខែលែងគ្នាលាន់។
មនុស្សទើបពេញវ័យ ល្បាក់១៨ ២០ តែងគិតថាស្នេហាគឺប្រពៃខ្លាំងណាស់។ ពួកគេគិតថាវាមានពណ៌ស៊ីជម្ពូដ៏ស្រស់បំព្រង។ ពួកគេស្រលាញ់គ្នា ដោយមិនគិតពីអ្វីទាំងអស់ ហើយរំពឹងច្រើនលើមនោសញ្ចេតនា។ ដូចនេះហើយ នៅពេលត្រូវបុរសធ្វើឲ្យខូចចិត្តម្ដង ពួកគេនឹងពិបាកត្រលប់មកស្ថានភាពធម្មតាវិញខ្លាំងណាស់។ ឆ្លងកាត់ស្នេហា២ ៣ និយមស្នេហាចំពោះមនុស្សស្រីនឹងកាន់តែផ្លាស់ប្ដូរ។ កាន់តែទទួលបានភាពឈឺចាប់ច្រើនប៉ុណ្ណា នាងរឹតតែលែងជឿលើស្នេហាតទៅទៀត។ មនុស្សមិនតិចឡើយ ដែលសម្រេចចិត្តបិទទ្វារបេះដូង លែងហ៊ានគិតរឿងស្នេហាក៏ដោយសារមូលហេតុមួយនេះ។
ស្នេហាគឺនៅតែដូចដើម ពេលណាក៏មានតម្លៃដ៏ថ្លៃថ្លាដែរ មានតែលុយកាក់ រូបសម្រស់ និងសម្ភារៈប៉ុណ្ណោះដែលផ្លាស់ប្ដូរចិត្តមនុស្សម្នាក់ៗបាន។ នៅតែមានបុរសដែលមិនសូវមានលុយតែក៏ខំប្រឹងរកលុយដើម្បីជូនផ្កាដល់មនុស្សដែលខ្លួនស្រលាញ់។ ហើយក៏មានមនុស្សដែលទោះមានសមត្ថភាពទិញអ្វីជូនយើងគ្រប់បែបយ៉ាង តែក៏មិនខ្ចីជូន ព្រោះចិត្តរបស់គេលែងដូចមុនទៅហើយ។
ភាពស្មោះត្រង់មិនអាចវាស់វែងដោយខែ ឬឆ្នាំ ឬសូម្បីតែថ្ងៃបានឡើយ ព្រោះម្សិលមិញគេស្បថស្បែរថានឹងដើរជាមួយយើងដល់ចប់នោះ ថ្ងៃស្អែកគេអាចបណ្ដើរអ្នកផ្សេងក៏ថាបាន។ សម័យស្រលាញ់នេះ ស្រលាញ់គ្នាបើត្រចៀកសពេក អ្នកនោះនឹងជាជនរងគ្រោះ។ តែនិយាយដូចនេះ មិនមែនថាអស់ស្នេហាដែលស្មោះត្រង់នោះទេ គ្រាន់តែវាពិបាករកតែប៉ុណ្ណោះ៕ ចុចអានបន្ត៖
ពេលអ្នកច្បាស់លាស់នឹងអ្នកណាម្នាក់ អ្នកនឹងផ្ដល់រឿងទាំងនេះទៅឲ្យគេ
កុំបញ្ចេញអាការៈ ៤ យ៉ាងនេះ ព្រោះបង្ហាញថាអ្នកលួចច្រណែនអតីតមិត្តស្រី របស់សង្សារខ្លួន