នៅពេលដែលអ្នកលែងស្រលាញ់ខ្លួនឯង ជីវិតជួបតែរឿងឈឺចាប់បែបនេះ

2018-12-11 08:00:00
ចំនួនមតិ 0 | ចំនួនចែករំលែក 0

នៅពេលដែលអ្នកជាសាមីខ្លួន តែបែរជាមិនបានស្រលាញ់ និងយកចិត្តទុកដាក់ចំពោះខ្លួនឯងទៅវិញ នោះពេញមួយជីវិតអ្នកនឹងជួបរឿងឈឺចាប់នេះ។ ដូចនេះកុំព្រោះតែអ្នកដទៃ នាំឲ្យជីវិតក្លាយជាអួអាប់ធ្វើអ្វី។ ៥ យ៉ាងនេះជាផលលំបាកដែលបណ្ដាលមកពីអ្នកមិនបានស្រលាញ់ខ្លួនឯងឲ្យបានច្រើនៗដូចស្រលាញ់អ្នកដទៃ៖

១.បាត់បង់រូបឆោម

នៅពេលអ្នកមិនបានយកចិត្តទុកដាក់ចំពោះខ្លួនឯង នោះអ្នកពិតជាមិនបានគិតពីធ្វើយ៉ាងម៉េចឲ្យខ្លួនស្អាតឡើយ។ ការដែលបណ្ដែតបណ្ដោយឲ្យខ្លួនឯងធ្លាក់ទៅក្នុងសភាពបែបនេះ បញ្ជាក់ថាអ្នកលែងពីខ្លួនឯងសោះតែម្ដង។

២.មិនខ្វល់ពីភ្នែកអ្នកដទៃ

ទោះជាសម្ដីអ្នកដទៃមិនត្រូវ ១០០% សម្រាប់ខ្លួនអ្នកក៏ដោយ ប៉ុន្តែសម្ដីខ្លះត្រូវយកមកពិចារណាផងដែរ។ តែបើអ្នកលែងខ្វល់ថាគេនិយាយអ្វីមើលមកអ្នកយ៉ាងម៉េច ឬគិតអ្វីពីអ្នក នោះបញ្ជាក់ថា អ្នកមិនបានចាប់អារម្មណ៍ចំពោះខ្លួនឯង។ ព្រោះបើអ្នកចាប់អារម្មណ៍ អ្នកនឹងថាពីមូលហេតុដែលគេនិយាយដើម។

៣.មិនផ្លាស់ប្ដូរទៅមុខ

អ្នកស្ថិតនៅក្នុងភាពជាប់គាំង អ្នកនៅដោយការភ័យខ្លាចថាអ្វីគ្រប់យ៉ាងនឹងផ្លាស់ប្ដូរ ហើយក៏មិនព្រមទទួលវាដាច់ខាត។ ប្រសិនបើអ្នកនៅតែដដែលបែបនេះ ជីវិតគ្មានភាពរីកចម្រើន ហើយមិនមានអ្វីយកទៅប្រកួតប្រជែងជាមួយអ្នកដទៃបាន។

៤.រូបរាងកាយរងទុក្ខ

អ្នកមិនបានខ្វល់ថាការប្រព្រឹត្តណាខ្លះដែលធ្វើឲ្យរងទុក្ខ និងមានការឈឺចាប់ អ្នកគិតតែខំធ្វើមិនឈប់ទាំងមិនចាប់អារម្មណ៍ថារូបរាងកាយអាចទទួលយកបានប៉ុណ្ណា។

៥.លែងចាប់អារម្មណ៍អ្វីទាំងអស់

មិនត្រឹមតែព្រងើយកន្តើយចំពោះខ្លួនឯងទេ ពិភពលោកទាំងមូលក៏លែងខ្វល់ដែរ។ ចង់នរណាយ៉ាងម៉េចក៏មិនដឹងមិនឮ៕

ចុចអាន៖តិចនិកទាំង ៧ ជួយឲ្យការរស់នៅតែម្នាក់ឯងមិនមែនភាពឯកោ

អត្ថបទ៖ ទ្រី រ៉ាវី