ឈរក្បែរប្រុសក្មេង សម្រស់ Aum ចង់ក្មេងជាង ទាំងការពិតអាយុជិតសែហើយ
- 2018-12-11 03:51:00
- ចំនួនមតិ 0 | ចំនួនចែករំលែក 0
ឈរក្បែរប្រុសក្មេង សម្រស់ Aum ចង់ក្មេងជាង ទាំងការពិតអាយុជិតសែហើយ
ដោយសារតែសម្រស់នៅតែក្មេងគ្មានប្រែប្រួលនេះហើយ ទើបធ្វើឲ្យកំពូលតារាសម្ដែងថៃ Aum Patcharapa នៅតែរក្សាតំណែងរាជិនីទូរទស្សន៍របស់ខ្លួនគ្មានរង្គើអ្វីបន្តិចឡើយ។
ឲ្យតែនិយាយពីតារាស្រីដែលមានសម្រស់ក្មេងជាងវ័យ មិនចេះប្រែប្រួលទោះ១០ ឬ២០ឆ្នាំក៏ដោយនោះ ទស្សនិកជនភាគច្រើនតែងនឹកគិតដល់តារាស្រីប្រទេសកូរ៉េ។ យ៉ាងណាក្ដី គេភ្លេចថា វិស័យសិល្បៈថៃ ក៏មានសិល្បករិនីមិនតិចដែរ ដែលនៅតែក្មេងល្ហក់ទោះវ័យជ្រេខ្លាំងក៏ដោយ។ ជាក់ស្ដែងគឺតារាសម្ដែងស្រីលំដាប់ A ជើងចាស់ Aum Patcharapa តែម្ដង។
នៅក្នុងសិល្បៈរយៈពេល២០ឆ្នាំមកនេះ ស្រីស្អាតវ័យ៣៩ឆ្នាំតែងឈរនៅលើកំពូលជានិច្ច ដែលជាហេតុធ្វើឲ្យគេភ្លេចថា នាងក៏មានអាយុច្រើនហើយដែរ។ រាល់ពេលឈរជិត តារាប្រុស ឬស្រីស្រករក្រោយ សម្រស់ Aum តែងតែមើលទៅស្មើ ឬជួនខ្លះក្មេងជាងពួកគេទៀតផង។ ហេតុនេះហើយ តួឯកប្រុសសម្ដែងជាមួយតួរឿង “ភ្លើងព្រះនាង” ក៏មានអាយុតិចជាងនាងដូចគ្នា ដើម្បីមើលឲ្យសមគ្នា៕