អាយុជិត៤០នៅតែក្មេងល្ហក់ព្រោះ Song Hye Kyo ថែរក្សាសម្រស់ដោយតិចនិកទាំង៤នេះ
- 2018-12-11 02:25:33
- ចំនួនមតិ 0 | ចំនួនចែករំលែក 0
អាយុជិត៤០នៅតែក្មេងល្ហក់ព្រោះ Song Hye Kyo ថែរក្សាសម្រស់ដោយតិចនិកទាំង៤នេះ
ទោះជាបានឈានចូលដល់វ័យ៣៧ឆ្នាំ ហើយស្ថិតក្នុងវិស័យសិល្បៈ២០ហើយក្ដី តែសម្រស់របស់កំពូលតារាសម្ដែងស្រីកូរ៉េ Song Hye Kyo នៅតែដូចពេលចូលសិល្បៈដំបូង។ ស្រីស្អាតរូបនេះបានចែករំលែកពីតិចនិករក្សាសម្រស់របស់ខ្លួនជាមួយទស្សនាវដ្ដីមួយកាលពីថ្មីៗនេះ។
កាលពីពេលថ្មីៗនេះ តារាសម្ដែងស្រីលំដាប់ A កូរ៉េ Song Hye Kyo បានធ្វើឲ្យអ្នកគាំទ្រស្ញើចសរសើរជាខ្លាំងនៅពេលបង្ហាញខ្លួនក្នុងកម្មវិធីសន្និសីទផ្សព្វផ្សាយរឿងភាគថ្មី “Boyfriend” ដែលជាស្នាដៃថ្មីបំផុតរបស់ខ្លួន ព្រោះសម្រស់មិនផ្លាស់ប្ដូរតាមពេលវេលារបស់នាង។ ចែករំលែកពីវិធីថែរក្សាសម្រស់ជាមួយទស្សនាវដ្ដីមួយ ប្រពន្ធរបស់ Song Joong Ki បានបង្ហើបថា នាងពឹងពាក់លើវិធីសាស្ត្រទាំង៦៤ខាងក្រោមដើម្បីរក្សាបានភាពក្មេងជាងវ័យ។
១. តែងជម្រះគ្រឿងសំអាងឲ្យស្អាត
ដោយសារតែជាតារាសម្ដែង ស្រីស្អាតវ័យ៣៧ឆ្នាំ តែងត្រូវផាត់មុខជាប្រចាំ។ គ្រឿងសំអាងទាំងនេះបើលាងមិនជ្រះល្អទេ នឹងនាំមកនូវស្នាមជ្រួញដល់ស្បែក។ យល់ដឹងពីបញ្ហានេះ តារាកើតឆ្នាំ១៩៨១ តែងលាងសម្អាតមុខខ្លួន២ដងជានិច្ច ដោយលើកទី១គឺលាងដោយប្រេងជម្រះគ្រឿងសំអាង និងលើកទី២ទើបលាងដោយសាប៊ូម្ដងទៀត។
២. បិតម៉ាសជាប្រចាំ
បិតម៉ាសមិនត្រឹមតែផ្ដល់សំណើមដល់ស្បែកនោះទេ ថែមទាំងជួយឲ្យស្បែកភ្លឺថ្លាទៀតផង នេះគឺជាជំហានមួយដែលមិនអាចខ្វះបានសម្រាប់អ្នកដែលចង់បានស្បែកស្អាត។ តួរឿង “Full House” ទម្លាយថាមួយសប្ដាហ៍ នាងបិតម៉ាសតិចបំផុត២ដង។
៣. មិនលាបម្សៅទ្រនាប់ក្រាស់ពេក
បើសង្កេតមើលស្ដាយផាត់មុខរបស់ Song Hye Kyo យើងអាចឃើញយ៉ាងងាយស្រួលថា សិល្បការិនីរូបនេះតែងផាត់ម្សៅស្ដើងបំផុត ប្រៀបដូចអត់ផាត់តែម្ដងនៅពេលខ្លះ។ ដូចចំណុចខាងលើដែរ ម្សៅក្រាស់នឹងធ្វើឲ្យយើងឆាប់ជ្រួញ ដូចនេះតារារូបនេះតែងផាត់ស្ដើងបំផុត តាមដែលអាចធ្វើទៅបាន។
៤. ប្រើពណ៌ក្រែមស្ដើង និងស្រស់
ទោះបីជាក្រែមពណ៌ក្រម៉ៅកំពុងត្រូវប៉ាន់ខ្លាំង ដែលស្ទើតែគ្រប់តារាទាំងអស់បានប្រើហើយនោះ គេមិនទាន់ឃើញ Song Hye Kyo ប្រើក្រែមពណ៌ដិតសូម្បីមួយដង។ តាមការពិត ពណ៌ក្រែមទាំងនេះធ្វើឲ្យអ្នកលាបមើលទៅកាលីប និងទាន់សម័យ តែនឹងធ្វើឲ្យអ្នកចាស់ជាងវ័យ។ អាស្រ័យហេតុនេះ ភរិយារបស់ Song Joong Ki តែងជ្រើសរើសពណ៌ក្រែមស្រាលដើម្បីជួយលើកសម្រស់ខ្លួន៕