ស្លៀករ៉ូបតែមួយជាមួយ Angelababy, Suzy ចាញ់គេដាច់ ព្រោះរាងធាត់ពេក

2018-12-09 02:56:25
ចំនួនមតិ 0 | ចំនួនចែករំលែក 0

ជាថ្មីម្ដងទៀត ឃ្លាដែលគេតែងនិយាយថា ខោអាវស្អាតដោយសាររាង បានក្លាយជាការពិត នៅពេលកំពូលតារាមកពីប្រទេសផ្សេងគ្នាគឺ Angelababy និង Suzy ប៉ះគ្នាក្នុងរ៉ូបតែមួយ។

នៅក្នុងពិភពសិល្បៈ គេតែងខ្សឹបតៗគ្នាថា នៅពេលតារាស្រី២នាក់ ស្លៀកខោអាវជាន់គ្នា ទោះក្នុងកម្មវិធីតែមួយ ឬខុសគ្នាក៏ដោយ អ្នកណាដែលមានរាងស្ដើងជាង អ្នកនោះនឹងស្អាតជាង។ ទោះបីករណីនេះ មិនមែនពេលណាក៏ត្រូវក៏ដោយ ត្បិតពេលខ្លះ អ្នកមានសាច់បន្តិចទើបស្អាតនោះ តែគេសង្កេតឃើញថា ភាគច្រើនគឺអ្នកស្គមជាងស្អាតជាងពិតមែន។

ជាក់ស្ដែង កាលពីពេលថ្មីៗនេះ នៅពេលចូលរួមក្នុងកម្មវិធីប្រគល់ពានរង្វាន់មួយ តារាសម្ដែង និងចម្រៀងស្រីជួរមុខកូរ៉េ Suzy បានស្លៀករ៉ូបវែងអូសដីមួយ មកពីយីហោល្បីឈ្មោះ។ នៅពេលរូបថតរបស់តួរឿង “Dream High” ត្រូវបានចុះផ្សាយដំបូង រ៉ូបនេះត្រូវបានរិះគន់មួយសាររួចទៅហើយ ត្បិតរាង Suzy មូល មិនស៊ីនឹងរ៉ូបមួយនេះ។ យ៉ាងណាក្ដី នៅពេលគេយករូបទាំងនេះ ទៅប្រៀបធៀបនឹងតារាសម្ដែងស្រីល្បីឈ្មោះចិន Angelababy វិញ Suzy ត្រូវគេវាយតម្លៃថា បានធ្វើឲ្យរ៉ូបនេះខូចទាំងស្រុងតែម្ដង ព្រោះរាងដែលមានសាច់របស់នាង។

ដោយសារតែរ៉ូបនេះ គឺធ្វើពីសាច់សារូ ដូចនេះគឺស័ក្ដិសមតែជាមួយអ្នកមានរាងស្ដើងតែប៉ុណ្ណោះ អ្នកដែលមានរាងមូលនឹងធ្វើឲ្យខូចរាងរ៉ូបនេះ។ ដូចនេះ ក្នុងការប៉ះគ្នាលើកនេះ គឺ Angelababy ឈ្នះដាច់តែម្ដង។ គួរបញ្ជាក់ផងដែរថា រ៉ូបនេះគឺស្ថិតក្នុង collection ថ្មីរបស់ Dior ដែលមានតម្លៃ៩០០០ដុល្លារ៕