Wu jing ជំពាក់ពន្ធរដ្ឋ៣០លានដុល្លារ ខណៈ Zhao Li Ying កំពុងត្រូវគេស៊ើបអង្កេត
- 2018-12-07 02:49:03
- ចំនួនមតិ 0 | ចំនួនចែករំលែក 0
Wu jing ជំពាក់ពន្ធរដ្ឋ៣០លានដុល្លារ ខណៈ Zhao Li Ying កំពុងត្រូវគេស៊ើបអង្កេត
បណ្ដាញព័ត៌មានចិនបានឲ្យដឹងថា តារាសម្ដែងប្រុសជួរមុខចិន Wu Jing និងក្រុមការងាររឿង “Wolf Warrier 2” កំពុងជាប់ជំពាក់ពន្ធរដ្ឋយ៉ាងហោច៣០លានដុល្លារ។ រីឯតារាសម្ដែងល្បីឈ្មោះស្រី Zhao Li Ying ព្រមទាំងប្ដីប្រពន្ធ Angelababy ក៏ស្ថិតក្នុងបញ្ជីត្រូវគេស៊ើបអង្កេតដែរ។
កាលពីថ្ងៃទី៦ ខែធ្នូមុននេះ បណ្ដាញព័ត៌មានតូចធំចិនបានចុះផ្សាយថា ក្រុមការងាររបស់រឿង “Wolf Warriers 2” បានប្រកាសពន្ធខ្វះនូវចំនួនដែលខ្លួនត្រូវបង់ចូលរដ្ឋ។ តាមនោះដែរ កំពូលតារាសម្ដែងជើងចាស់ Wu Jing ស្ថិតក្នុងតារាងតារា១៧រូបដែលកំពុងត្រូវគេស៊ើបអង្កេតព្រោះគេចពន្ធ។ អជ្ញាធរមានសមត្ថកិច្ច បានកំណត់ពេលវេលាឲ្យពួកគេចូលបង់ពន្ធដោយស្ម័គ្រចិត្ត បើហួសរយៈពេលនោះហើយ នៅតែមិនបង់ នោះរដ្ឋនឹងមានវិធានការបន្ត។
បណ្ដាញព័ត៌មាន Finance Gucheng បន្ថែមថា ចំនួនលុយដែល Wu Jing ប្រកាសខ្វះគឺឡើងដល់៣០លានដុល្លារ ព្រោះចំណូលនៃរឿង “Wolf Warriers 2” គឺរកបានដល់ទៅ៨៧០លានដុល្លារ។ ក្រៅពី Wu Jing ប្រភពដដែលបានឲ្យដឹងថា សិល្បករដែលមានចំណូលរាប់រយលានដុល្លារ ហើយគេចពន្ធមានដូចជា Zhao Li Ying, ប្ដីប្រពន្ធ Huang Xiaoming-Angelaby, Yang Mi និង Zhao Wei ជាដើម។ ប្រភពនេះឲ្យដឹងថា បុគ្គលនីមួយៗជំពាក់ពន្ធរដ្ឋយ៉ាងតិច៤០លានដុល្លារ ហើយសុទ្ធតែត្រូវរដ្ឋកំពុងឃ្លាំមើលជានិច្ច៕