របៀបផ្លាស់ប្ដូរខ្លួនឯងទាំង ៦ ឲ្យក្លាយជាមនុស្សស្រីសម័យថ្មី

2018-12-06 10:00:00
ចំនួនមតិ 0 | ចំនួនចែករំលែក 0

ដើម្បីកែប្រែឲ្យខ្លួនឯងក្លាយជាមនុស្សស្រីដែលដើរទាន់សម័យកាល អ្នកគួរតែចាប់ផ្ដើមពីប៉ុន្មានជំហានខាងក្រោមនេះ។ កាលដែលចេះរៀបចំខ្លួនឲ្យបានល្អ ក៏ជាចំណុចសំខាន់នាំឲ្យជីវិតជួបតែអ្វីល្អៗដូចគ្នា៖

១.ផ្លាស់ប្ដូរស្ទីលស្លៀកពាក់៖ អ្នកមិនគួរស្លៀកពាក់ស្ទីលដដែលៗរហូតទេ។ ការផ្លាស់ប្ដូរការស្លៀកពាក់ វាអាចធ្វើឲ្យយើងមានអារម្មណ៍ស្រស់ស្រាយ និងតាំងចិត្តធ្វើការបានយ៉ាងល្អ។ ឧទាហរណ៌៖ បើអ្នកចូលចិត្តខោខោវប៊យ គួរតែដូរមកស្លៀកសំពត់ ឬរ៉ូបធម្មតាខ្លះ ដើម្បីមើលទៅមិនសាំភ្នែក។

រូបតំណាង

**២.ការផាត់មុខថ្មី**៖ បើអ្នកទម្លាប់តែផាត់តុបតែងមុខធម្មតា ដោយគ្រាន់តែលាប BB cream ហើយលាបក្រែម តែពីរមុខនឹង គួរតែថែមបន្ថែមមុខទៀត។ បើអ្នកស្រលាញ់ស្ទីលធម្មជាតិ អ្នកគ្រាន់តែលាបពណ៌ត្របកភ្នែកមួយជាន់ ហើយថែមម៉ាស្ការ៉ា និងផាត់ថ្ពាល់តិចៗជាការស្រេច។

រូបតំណាង

៣.សក់៖ ការផ្លាស់ប្ដូរចំណុចនេះ ក៏អាចឲ្យអ្នកកាន់តែមានជំនឿចិត្តចំពោះខ្លួនឯងដែរ។ ប្រសិនបើអ្នកទម្លាប់តែទម្លាក់សក់ គួរដូរទៅឲ្យមានម៉ូដលើកចង ឬបួងខ្លះ។

រូបតំណាង

៤.ចេះកំប្លុកកំប្លែងខ្លះ៖ មិនគួរអង្គុយធ្វើមុខស្អុយ ឬមុខម៉ឺងម៉ាត់រហូតនោះទេ។ ការផ្លាស់ប្ដូរអត្តចរិតមកចេះលេងសើច ជួយឲ្យមនុស្សនៅជុំវិញខ្លួនមានអារម្មណ៍ស្និទ្ធស្នាល និងចង់នៅក្បែររហូត។

រូបតំណាង

៥.ពង្រឹងចំណេះដឹង៖ អ្នកប្រាកដជាគិតថា ទាល់តែរៀនបានខ្ពង់ខ្ពស់ទើបអាចដើរទាន់សម័យកាលបាន។ ចំណុចនេះគឺចង់ឲ្យអ្នកស្វែងយល់ពីព័ត៌មាននានា ដើម្បីទុកជាដើមទុន និងការប្រាស្រ័យទាក់ទងជាមួយអ្នកដទៃឲ្យស៊ីចង្វាក់។