Yang Mi ធ្វើឲ្យអ្នកគាំទ្រស្លុតពេលប្រឹងសម្រកទម្ងន់នៅសល់តែ៣៥គីឡូ
- 2018-12-04 02:19:35
- ចំនួនមតិ 0 | ចំនួនចែករំលែក 0
Yang Mi ធ្វើឲ្យអ្នកគាំទ្រស្លុតពេលប្រឹងសម្រកទម្ងន់នៅសល់តែ៣៥គីឡូ
បង្ហាញខ្លួនក្នុងកម្មវិធីថ្មី កំពូលតារាសម្ដែងស្រីចិន Yang Mi បានធ្វើឲ្យទស្សនិកជន ទាំងភ្ញាក់ ទាំងព្រួយបារម្ភចំពោះនាង ព្រោះរាងនៅសល់តែស្បែកដណ្ដប់ឆ្អឹងរបស់តារារូបនេះ។
អាចនិយាយបានថា តារាសម្ដែងស្រីជួរមុខចិន Yang Mi គឺជាសិល្បករិនីមួយរូបក្នុងចំណោម តារាស្រីចិនដែលមានរាងស្ដើងខ្លាំងជាងគេ។ គេនៅចាំបានថា កាលតួរឿង “និស្ស័យស្នេហ៍ទេវតាបីជាតិ” មានទម្ងន់កូនដំបូង គេមើលសឹងមិនដឹងផង ព្រោះនាងស្គមពេក។
ជាថ្មីម្ដងទៀត រឿងទម្ងន់របស់អ្នកម្ដាយកូន១បានក្លាយជាប្រធានបទឲ្យគេជជែកសាជាថ្មី ពេលនាងបង្ហាញខ្លួនក្នុងកម្មវិធីនាពេលកន្លង។ តាមនោះដែរ កាលពីថ្ងៃទី២ ខែធ្នូនេះ នៅពេលចូលរួមក្នុងកម្មវិធីតាំងពីព័រណ៌មួយ ស្រីស្អាតអាយុ៣២ឆ្នាំ បានធ្វើឲ្យគេបះសក់មួយភាំងជាមួយរាងដូចឈើចាក់ធ្មេញរបស់ខ្លួន។ បណ្ដាញព័ត៌មានធំៗបានឲ្យដឹងថា ដើម្បីឲ្យមានរាងស្ដើង និងស៊ីកាមេរ៉ា តារាស្រីកើតឆ្នាំ១៩៨៦ បានព្យាយាមសម្រកទម្ងន់ រហូតដល់ពេលនេះសល់តែ៣៥គីឡូ។
ទោះបីជាក្នុងរូបភាពដែលត្រូវបានកាត់តរួច Yang Mi មើលទៅមានរាងស្រឡូនក៏ពិតមែន តែរូបភាពដែលគ្មានការកាត់តវិញ បង្ហាញឲ្យឃើញថា ប្រពន្ធ Hawick Lau មើលទៅមិនខុសពីសត្វកុកឡើយ។ អ្នកគាំទ្របានបញ្ចេញមតិថា ជាមួយនឹងកម្ពស់ជិត១.៧០របស់ខ្លួន Yang Mi ទោះមានទម្ងន់៥០គីឡូក៏មើលទៅមិនធាត់ដែរ នាងគួរតែឈប់សម្រកគីឡូទៀតទៅ៕