មានតែមនុស្សប្រុសស្រលាញ់អ្នកអស់ពីចិត្តទេ ទើបមានទម្លាប់ទាំងអស់នេះ

2018-12-01 04:00:00
ចំនួនមតិ 0 | ចំនួនចែករំលែក 0

បុរសដែលគិតថារូបអ្នកសំខាន់ចំពោះគេខ្លាំង មិនអាចខ្វះបាន គេនឹងមានសកម្មភាពជាប្រចាំដូចទាំងនេះ។

១. តែងកាន់ដៃអ្នកជានិច្ចពេលចេញក្រៅ

ខណៈមនុស្សប្រុសខ្លះ នៅមានភាពអៀនប្រៀនក្នុងការបង្ហាញមនោសញ្ចេតនានៅទីសាធារណៈនោះ អ្នកដែលស្រលាញ់អ្នកពិតប្រាកដគេមិនខ្វល់ពីអ្នកដទៃទេ ឲ្យតែគេបានកាន់ដៃអ្នកជាប់។

២. ដើរខាងឆ្វេងពេលឆ្លងថ្នល់

ដោយសារតែព្រួយបារម្ភពីយើង ខ្លាចលមានឡាន ឬម៉ូតូមកប៉ះពេលឆ្លងថ្នល់ គេតែងនៅខាងស្ដាំ ឬខាងណាដែលមានយានជំនិះជិះមកជានិច្ចពេលឆ្លងថ្នល់ ដើម្បីធានាថា បើមានប៉ះអី ក៏គេជាអ្នករងមុនដែរ។

៣. មិនភ្លេចថ្ងៃសំខាន់

គេថាមនុស្សប្រុសមិនសូវសំខាន់ថ្ងៃខួបដូចជា១០០ថ្ងៃ ១ឆ្នាំ ឬខួបរបស់សង្សារទេ ព្រោះវាគ្រាន់តែជាតួលេខ។ នេះគ្រាន់តែជាលេសរបស់អ្នកដែលស្រលាញ់គេលេងសើចប៉ុណ្ណោះ ព្រោះអ្នកដែលយើងពិត គេមិនដែលភ្លេចភ្លាំងនូវថ្ងៃទាំងនេះឡើយ ហើយថែមទាំងមានត្រៀមកាដូឲ្យទៀតផង ទោះតិច ឬច្រើនក្ដី តែទឹកចិត្តទើបសំខាន់។

៤. ឲ្យអ្នកឈ្នះ ទោះគេមិនខុស

មានរឿងមួយចំនួន ទោះបីជាយើងមិនមែនជាអ្នកត្រូវទាំងស្រុង ហើយគេក៏មិនមែនជាអ្នកខុស តែពេលជជែកគ្នា គេនៅតែឲ្យយើងឈ្នះ។ នេះមិនមែនមកពីគេអន់នោះទេ ព្រោះគេដឹងច្បាស់ថា យកឈ្នះមនុស្សដែលស្រលាញ់ក៏គ្មានបានការអ្វី មានតែការខឹងគ្នា។ បើគេឲ្យឈ្នះ ទើបមនោសញ្ចេតនានេះនៅគង់វង្ស ហេតុនេះហើយ គេតែងជាអ្នកលួងជានិច្ច ទោះកំហុសកើតឡើងមិនមែនដោយសារគេក៏ដោយ៕

ចុចអានបន្ត៖

ប្រភព៖ Guu ប្រែសម្រួល៖ Caramel