អភ័យទោសឲ្យគេចុះ តែមិនត្រូវល្ងង់ឲ្យគេធ្វើបាបបានម្ដងទៀតឡើយ!

2018-11-30 05:09:39
ចំនួនមតិ 0 | ចំនួនចែករំលែក 0

ការអភ័យទោសគឺជារឿងល្អ ប៉ុន្តែវាមិនមែនមានន័យថា យើងយល់ព្រមឲ្យគេចូលមកបំផ្លាញជីវិតយើងម្ដងទៀតនោះទេ។ កុំភ្លេចរឿងមួយចំនួនដែលធ្លាប់កើត កុំភ្លេចអារម្មណ៍ដែលធ្លាប់មាន កុំភ្លេចថាអ្នកណាដែលធ្លាប់ចាកចេញ។ Forgive, but never Forger!

រូបតំណាង

យើងមានថ្ងៃនេះ យើងបានមកឈរនៅចំណុចនេះ ដោយការដើរឆ្លងរឿងខ្លះ និងមនុស្សខ្លះ។ បើថ្ងៃណាមួយ យើងត្រូវជួបរឿងនោះ ឬមនុស្សបែបនោះម្ដងទៀត សូមកុំភ្លេចដាស់តឿនខ្លួនឯងថា “មិនអីទេ អ្វីដែលកន្លងហួសខ្ញុំអភ័យទោស ប៉ុន្តែខ្ញុំនឹងមិនព្រមឲ្យគេចូលមកធ្វើបាបខ្ញុំទៀតឡើយ ហើយក៏គ្មានគំនិតត្រលប់ទៅរកអតីតកាលវិញដែរ"។ ដរាបណាយើងនៅដកដង្ហើម ទោះយ៉ាងណាយើងក៏ត្រូវដើរទៅមុខ ហើយអ្វីដែលយើងត្រូវគិតគូរបំផុតនោះគឺបច្ចុប្បន្ន។

ធ្វើអ្វីដែលត្រូវធ្វើឲ្យបានល្អ ចំណែកអ្វីដែលនៅសេសសល់ ក៏បណ្ដោយតាមព្រហ្មលិខិតចុះ។

នៅថ្ងៃដែលគិតថាយើងមិនសល់អ្នកណា សូមចងចាំថាយើងនៅសល់ខ្លួនឯង។

នៅថ្ងៃដែលយើងគិតថាយើងបាត់បង់អ្វីមួយ សូមកុំភ្លេចថា យើងនឹងបានអ្វីមួយមកវិញ។

នៅថ្ងៃដែលផ្ទៃមេឃពោរពេញដោយពពកខ្មៅ សូមកុំភ្លេចថា ផ្ទៃមេឃនឹងអាចត្រលប់មកជាពណ៌ខៀវវិញ។

នៅថ្ងៃដែលត្រូវស្រក់ទឹកភ្នែក សូមកុំភ្លេចថា យើងនឹងអាចសើចវិញបានដូចគ្នា គ្រាន់តែ...

សូមគូសវាសប្លង់ជីវិតរបស់អ្នកឲ្យបានល្អ នោះនៅពេលពេលវេលាមកដល់ នឹងមានមនុស្សចង់ដើរចូលមកក្នុងជីវិតអ្នក។

រៀបចំផ្លូវជីវិតរបស់អ្នកឲ្យបានល្អ នោះនៅពេលអ្វីៗប្រសើរឡើង នឹងមានមនុស្សសក្ដិសមចូលមកកាន់ដៃអ្នកដើរលើផ្លូវជាមួយគ្នា។

ចេះធ្វើរឿងល្អៗឲ្យខ្លួនឯង។ នេះប្រហែលមិនមែនជារឿងលំបាកដែលយើងធ្វើមិនបាននោះទេ មែនអត់?

ចុចអានបន្ត៖

ប្រភព៖ allwaypost ប្រែសម្រួល៖ ស្វាយ វ៉ាន់ថន