ប្រតិកម្មថ្នាំលាបសក់ សិស្សស្រីម្នាក់ហើមមុខចម្លែក
- 2018-11-29 07:57:59
- ចំនួនមតិ 0 | ចំនួនចែករំលែក 0
ប្រតិកម្មថ្នាំលាបសក់ សិស្សស្រីម្នាក់ហើមមុខចម្លែក
សិស្សស្រីជនជាតិបារាំងម្នាក់ បានប្រតិកម្មជាមួយនឹងថ្នាំលាបសក់ បណ្ដាលឲ្យទំហំមុខរបស់នាងហើមធំជិត ២ដង។
នាង Estelle អាយុ១៩ឆ្នាំ បានទិញថ្នាំលាបសក់មួយដបពីផ្សារទំនើប ប៉ុន្តែបែរជាប្រតិកម្មជាមួយធាតុផ្សំគីមីម្យ៉ាងនៅក្នុងថ្នាំលាបនោះ បណ្ដាលឲ្យទៅជាបែបនេះតែម្ដង។ ធាតុផ្សំគីមីនោះមានឈ្មោះថា Paraphenylenediamin (PPD) ដែលជាទូទៅមាននៅក្នុងថ្នាំលាបសក់ ហើយក៏ជាមូលហេតុចម្បងដែលបង្កឲ្យប្រតិកម្មលើថ្នាំលាបសក់ភាគច្រើនដែរ។
នាង Estelle បានប្រាប់ឲ្យដឹងថា នាងបានធ្វើការសាកល្បងដែរ ដោយលាបនៅលើដៃរយៈពេល ៣០នាទី ប៉ុន្តែការណែនាំបានប្រាប់ថារយៈពេល ៤៨ម៉ោង។ ក្រោយប្រតិកម្ម នាងបានលេបថ្នាំ Antihistamine ប៉ុន្តែបែរជាធ្វើឲ្យស្ថានភាពកាន់តែអាក្រក់លើសដើម។ ក្បាលរបស់នាងបានហើមដល់ទំហំ ៦៣សង់ទីម៉ែត្រ ហើយអណ្ដាតរបស់នាងក៏រីកធំទៀត។
យ៉ាងណាមិញ នាង Estelle បានព្រមានប្រាប់អ្នកដទៃឲ្យធ្វើការសាកល្បងឲ្យបានត្រឹមត្រូវជាមុនសិន ចំពោះផលិតផលដែលមានផ្ទុកសារធាតុ PPD មុនពេលប្រើប្រាស់៕