ទម្លាប់ស្លៀកខោខោវប៊យមិនត្រឹមត្រូវ អាចប៉ះពាល់ដល់សុខភាពធ្ងន់ធ្ងរនឹកស្មានមិនដល់!

2018-11-28 09:52:28
ចំនួនមតិ 0 | ចំនួនចែករំលែក 0

ខោខោវប៊យជាប្រភេទសំលៀកបំពាក់មួយដែលមិនចេះហួសសម័យ ដោយមានភាពពេញនិយមក្នុងស្រទាប់យុវវ័យបំផុត។ តែទោះជាយ៉ាងណា ទម្លាប់ក្នុងការស្លៀកខោខោវប៊យនេះអាចបង្កឲ្យមានគ្រោះថ្នាក់ដល់សុខភាព ហើយបើស្លៀកញឹកញាប់ទៀត ពិតជាមានគ្រោះថ្នាក់ខ្លាំងណាស់៖

១. ខោខោវប៊យតឹងពេក

ស្លៀកខោខោវប៊យតឹងពេកអាចច្របាច់ និងប៉ះពាល់ដល់សរសៃប្រសាទ រួមទាំងប៉ះពាល់ដល់ឆ្អឹងខ្នងដោយផ្ទាល់ទៀតផង។ លើសពីនេះទៀត ខោតឹងពេកអាចបណ្ដាលឲ្យមានបញ្ហាស្បែករមាស់ ឬស្ពឹកនៅពេលដែលស្លៀកយូរពេក។

រូបតំណាង

**២. ស្លៀកខោខោវប៊យនៅពេលចូលគេង**

ស្លៀកខោខោវប៊យនៅពេលគេងគឺមានផលប៉ះពាល់ខ្លាំងណាស់ព្រោះវាអាចបន្ថយគុណភាពនៃការគេង និង ធ្វើឲ្យឈឺសាច់ដុំ។ ប្រសិនបើមានទម្លាប់នេះគួរតែបញ្ឈប់ភ្លាមៗទៅព្រោះ វាអាចបណ្ដាលឲ្យមានគ្រោះថ្នាក់បាន។ គួរតែជ្រើសរើសសំលៀកបំពាក់ដែលរលុងៗ និងមានភាពងាយស្រួលក្នុងការគេង។

៣. ស្លៀកខោខោវប៊យនៅក្រោមពន្លឺថ្ងៃយូរពេក

ការស្លៀកខោខោវប៊យដែលស្ថិតនៅក្រោមកម្ដៅថ្ងៃយូរពេកគឺមិនល្អឡើយ ព្រោះក្រណាត់ខោខោវប៊យអាចបង្កើនសីតុណ្ហភាពឲ្យក្ដៅខ្លាំង និងបង្កើនលទ្ធភាពឲ្យបាក់តេរីជ្រាបចូលស្បែក។ បើជាមនុស្សដែលត្រូវឈរក្រោមពន្លឺថ្ងៃច្រើននោះ គួរតែជ្រើសខោទន់ និងមានផាសុខភាព ព្រោះវាជួយទប់ស្កាត់ស្ថានភាពនេះហើយឲ្យផ្លាស់ទីបានយ៉ាងងាយស្រួល។