ពេលស្លៀកខោសាច់យឺតម្ដងៗអាក្រក់មើលណាស់មែនទេ? នេះជាតិចនិកជួយបិទបាំង
- 2018-11-26 06:30:00
- ចំនួនមតិ 0 | ចំនួនចែករំលែក 0
ពេលស្លៀកខោសាច់យឺតម្ដងៗអាក្រក់មើលណាស់មែនទេ? នេះជាតិចនិកជួយបិទបាំង
នារីជាច្រើនតែមានការធ្វេសប្រហែសពេលស្លៀកខោកីឡារឹបៗ។ ចំណុចសំខាន់ដែលអ្នកស្លៀកខោប្រភេទនេះត្រូវយកចិត្តទុកដាក់ គឺគូទ និងភ្លៅ។ ដោយអ្នកខ្លះស្លៀកចេញទៅមិនសមសួន ហើយបញ្ហាទាំងនោះអាចមកពីការមិនយកចិត្តទុកដាក់ និងការមិនដឹងពីរបៀបរបបស្លៀកពាក់ជាដើម។ ប្រសិនបើអ្នកមានបញ្ហាពេលស្លៀកខោរឹបនោះ អាក្រក់មើល សាកវិធី ៥ យ៉ាងនេះវិញ។
១.ជ្រើសរើសពណ៌ស្រគាំៗ
ចង់ស្លៀកខោបែបនេះបានស្អាត គួរតែចេះជ្រើសរើសពណ៌ជាមុនសិន។ ពណ៌ខ្មៅ ឬពណ៌ស្រគាំៗជាជម្រើសល្អបំផុត ហើយចៀសឲ្យឆ្ងាយពីពណ៌ដិតៗដូចជាលឿង ខៀវ បៃតង...។
២.ជ្រើសយកអាវវែង
ប្រសិនបើអ្នកស្លៀកខោប្រភេទនេះ អ្នកមិនអាចពាក់អាវខើចខ្លីបានទេ។ អ្នកត្រូវរកអាវក្នុងវែងផុតគន្លាក់គូទ ទើបអាចបិទបាំងចំណុចនោះពាន។
៣.បន្ថែមសំពត់ខ្លី
បើអ្នកចង់លេងម៉ូដបន្ថែម អ្នកអាចស្លៀកសំពត់ឆាងខ្លី ហើយស្លៀកខោនោះពីក្នុង តែកុំស្លៀកសំពត់រឹបឲ្យសោះ ព្រោះមើលទៅឆ្គងខ្លាំងណាស់។
៤.កុំពាក់អាវតែ១ជាន់
ដើម្បីឲ្យមើលទៅស្អាត អ្នកគួរតែពាក់ជាអាវយឺតរៀងវែងបន្តិច ហើយមានបន្ថែមអាវពីក្រៅ។
៥.កុំស្លៀកពាក់ប្រភេទភ្លឺផ្លេក
អ្នកអាចស្លៀកខោរឹបដែលមានសាច់ក្រណាត់រលោង តែកុំជ្រើសខោ និងអាវមានស្ទីលភ្លឺផ្លេក៕
ចុចអាន៖ស្រីៗដឹង ៦ របៀបស្លៀកពាក់នេះ ទោះខោអាវចាស់ៗក៏មើលទៅសិចស៊ីដែរ