ពេលអ្នកអស់កម្លាំងតស៊ូក្នុងជីវិត ធ្វើរឿងទាំងនេះដើម្បីជួយស្រោចស្រង់ឡើងវិញ
- 2018-11-16 00:00:00
- ចំនួនមតិ 0 | ចំនួនចែករំលែក 0
ពេលអ្នកអស់កម្លាំងតស៊ូក្នុងជីវិត ធ្វើរឿងទាំងនេះដើម្បីជួយស្រោចស្រង់ឡើងវិញ
ក្នុងជីវិតមនុស្សម្នាក់ៗតែងជួបប្រទះថ្ងៃនោះជាក់ជាមិនខាន។ ថ្ងៃដែលគ្មានកម្លាំងកំហែង ព្រោះបញ្ហារួតរឹតជិតខ្លួន រហូតដល់ពេលខ្លះមិនក្រោកតតាំងនឹងរឿងរ៉ាវបន្ត។ បើមានពេលនោះមែន កុំឲ្យខ្លួនទោរទន់អី អ្នកគួរតែក្រោក ហើយធ្វើរបៀបនេះ ទើបអាចស្រោចស្រង់ស្ថានភាពបានឡើងវិញបាន៖
១.ផ្ដាច់ចេញពីសំឡេងរំខាន
ចាកចេញពីកន្លែងនោះ និងស្វែងរកភាពស្ងប់ស្ងាត់មួយរយៈ។ ការចំណាយពេលម្នាក់ឯង គឺជាមធ្យោបាយដ៏ល្អមួយក្នុងការគិតឡើងវិញនូវដំណោះស្រាយកន្លងមកថា ហេតុអ្វីបានជាវាគ្មានលទ្ធផល។
២.កុំបន្តបិទភ្នែក
បើអ្នកមិនព្រមបើកភ្នែកក្រោកមកតទល់ជាមួយបញ្ហា នោះនឹងធ្វើឲ្យអ្នកកាន់តែដុនដាបទៅ រហូតលែងចង់បើកភ្នែកជារៀងរហូត។
៣.រំលឹកខ្លួនឯងពាក្យថា «គ្មានអ្វីដែលមិនអាចធ្វើបាន»
ឧបសគ្គធំបំផុតដែលធ្វើឲ្យអ្នកមិនអាចហែលឆ្លង គឺការមិនបានក្រើនរំលឹកខ្លួនឯង។ ចូរប្រាប់ខ្លួនឯងថា ទោះជាមានបញ្ហាអ្វីកើតឡើង ក៏អ្នកអាចធ្វើបានដែរ។ ពាក្យដាស់តឿនក្រើនរំលឹកខ្លួន ប្រៀបដូចជាម៉ោងរោទ៍ ដែលធ្វើឲ្យអ្នកភ្ញាក់ឡើង។
៤.រកទីប្រឹក្សាដ៏សមគួរមួយ ដែលធ្លាប់ជួបបញ្ហានោះដែរ
ចង់ឲ្យខ្លួនឯងក្រោកឈរបានឆាប់រហ័ស អ្នកគួរតែស្វែងរកមនុស្សដែលមានបទពិសោធជួបបញ្ហាដូចអ្នក ឲ្យគេផ្ដល់ជាយោបល់ និងដំណោះស្រាយជំហានដំបូងបែបងាយៗ។ បន្ទាប់មកយកគំនិតទាំងនោះមកថ្លឹងថ្លែង តើថាវាត្រូវស៊ីគ្នាស្ថានភាពខ្លួន ១០០% ដែរឬទេ។
៥.យំ
ការយំអាចធ្វើឲ្យអ្នកមានអារម្មណ៍បានធូរស្បើយច្រើន។ នៅពេលអ្នកយំអស់ពីចិត្ត នោះអ្នកត្រូវតែក្រោកឈរឡើង ហើយខំប្រឹងសម្លឹងទៅមុខ ដើម្បីជម្នះរាល់ភាពលំបាក។
៦.ធ្វើចិត្តឲ្យស្ងប់
កុំតតាំងនឹងសម្ដីអ្នកដទៃ បើទោះជាគេនិយាយស្ដីអ្វីក៏ដោយ។ អ្នកគ្រាន់តែទុកវាជាខ្យល់ហោះកាន់ត្រចៀក។ នៅពេលពួកគេនិយាយឆ្អែតឆ្អន់ រឿងក៏កន្លងហួស ហើយអ្នកអាចចាប់ផ្ដើមកែខៃបញ្ហាបន្តិចម្ដងៗ៕