សម្ពាធកើនឡើង ហើយសុខភាពក៏មិនល្អ ប្រសិនបើអ្នកមិនឈប់ស្លៀកពាក់បែបនេះទៀត

2018-11-14 07:23:08
ចំនួនមតិ 0 | ចំនួនចែករំលែក 0

ពេលខ្លះការស្លៀកពាក់ក៏ធ្វើឲ្យសុខភាពមិនល្អបានដែរ ព្រោះតែការចង្អៀតចង្អល់ក្នុងខ្លួន ហើយមិនតែប៉ុណ្ណោះម៉ូដខោអាវខ្លះ អាចធ្វើឲ្យអ្នកស្លៀកមានអារម្មណ៍ថាមិនស្រណុកក្នុងចិត្ត។ ដូចនេះដើម្បីកុំឲ្យខ្លួនមានអារម្មណ៍ថាមានសម្ពាធ និងសុខភាពល្អឡើងវិញ ឈប់ស្លៀកពាក់បែបនេះតទៅទៀត។

១.ការស្លៀកខោខោវប៊យតឹងៗពេក វា នឹងដាក់សម្ពាធទៅលើសរសៃប្រសាទភ្លៅដែលបណ្ដាលឲ្យអ្នកស្ពឹក និងឈឺចុកចាប់ជើង។ ជំងឺដូចជាឈាមរត់មិនល្អ សរសៃឈាមវ៉ែន និងកាត់បន្ថយការរំលាយអាហារនឹងកើតឡើង ប្រសិនបើខោរបស់អ្នកកំពុងរឹតរួតពេញចង្កេះ។

២.ក្រៅពីខោ ស្បែកជើងកែងចោតខ្ពស់ៗក៏ជាម៉ូដពេញនិយមរបស់ស្រីៗដែរ។ ទោះជាយ៉ាងណាក៏ដោយ ពេលពាក់ស្បែកជើងជើងរបស់អ្នកត្រូវមានរាងជំទើតទៅចុងជើង ដែលជាហេតុបណ្ដាលឲ្យឈឺសន្លាក់ឆ្អឹង និងឈឺកែងជើង រហូតធ្វើឲ្យខ្សោយប្រព័ន្ធសរសៃប្រសាទ។

៣.សូម្បីតែពាក់អាវទ្រនាប់តឹង ខុសពីទំហំក៏អាចធ្វើឲ្យដើមទ្រូងរបស់អ្នកឈឺចុកចាប់ និងមានអាការៈអួលណែន។ មិនតែប៉ះពាល់សុដន់ប៉ុណ្ណោះទេ វាក៏នាំឲ្យមានការឈឺចាប់ឆ្អឹងខ្នងធ្ងន់ធ្ងរថែមទៀតផង។ ជាចាំបាច់ និងដើម្បីមានសុខភាពល្អអ្នកត្រូវជ្រើសរើសអាវទ្រនាប់ធ្វើមកពីក្រណាត់ល្អ និងមានម៉ាកត្រឹមត្រូវ ដើម្បីធានាសុខភាពស្បែកផងដែរ។

៤.ដើម្បីបានចង្កេះតូចស្អាត មិត្តនារីខ្លះត្រូវបង្ខំចិត្តទិញខោហ្គែនរឹបក្បាលពោះ។ ឈុតខ្លះមានទាំងអាវភ្ជាប់មកជាមួយខោ ហើយអាវតូចៗត្រូវគ្របសង្កត់លើឆ្អឹងជំនី។ នេះមានន័យថា សរីរាង្គរបស់អ្នកនឹងត្រូវខូចខាត។ លើសពីនេះទៅទៀតខោរឹបក្បាលក៏មានសមត្ថភាពកាត់បន្ថយឈាមរត់ និងបណ្ដាលឲ្យដង្ហើម។

សម្ពាធលើរាងកាយនៅពេលស្លៀកសម្លៀកបំពាក់តឹងតែងក៏បណ្ដាលឲ្យមានភាពតានតឹង និងជំងឺខូចទ្រង់ទ្រាយជង្គង់ដែលនឹងធ្វើឲ្យខូចខាតជាអចិន្ត្រៃយ៍ដល់ជើង។ សុខភាពល្អគឺជាវត្ថុមានតម្លៃបំផុតចំពោះស្ត្រី ដូច្នេះត្រូវមានរូបរាងស្អាត និងមានភាពប្រយ័ត្នប្រយែង៕

ចុចអាន៖អ្នកជំនាញ៖ ជីវិតនឹងលែងស្រ្តេស បើអ្នកអាចយំមួយអាទិត្យម្ដង

ប្រភព៖ bestie ប្រែសម្រួល៖ ទ្រី រ៉ាវី