ទម្លាប់ ៥យ៉ាងនៅពេលព្រឹកដែលធ្វើឲ្យអ្នកឡើងគីឡូមិនឈប់

2018-11-14 10:25:58
ចំនួនមតិ 0 | ចំនួនចែករំលែក 0

ឆ្ងល់ណាស់មែនទេ ហេតុអ្វីអ្នកខំព្យាយាមសម្រកគីឡូយូរហើយ តែនៅតែមិនទាន់ស្រកទៀត? តាមពិតទម្លាប់ដែលអ្នកធ្វើក្រោយពេលភ្ញាក់ពីគេងភ្លាម ក៏ចូលរួមចំណែកជះឥទ្ធិពលដល់រឿងនេះដែរ។ ចង់ដឹងថាទម្លាប់នោះមានអ្វីខ្លះ តោះមកអានឲ្យដឹងទាំងអស់គ្នា៖

១. ដេកជ្រុល

ត្រឹមត្រូវណាស់ការគេងគ្រប់គ្រាន់ជួយឲ្យអ្នកស្រកគីឡូ ប៉ុន្តែបើអ្នកគេងលើសពី១០ម៉ោង នោះលទ្ធផលនឹងផ្ទុយគ្នា។ ដូច្នេះអ្នកគួរកែទម្លាប់ជាថ្មី ដោយគេងចន្លោះពី៧ទៅ៩ម៉ោងបានហើយ។

២. រៀបចំខ្លួនក្នុងទីងងឹត

ការស្រូបពន្លឺព្រះអាទិត្យនៅពេលព្រឹក អាចជួយឲ្យរាងកាយអ្នករក្សាតុល្យភាពនិងប្រឆាំងការឡើងគីឡូបាន ដូច្នេះបើអ្នកមិនបានបើកបង្អួច ឲ្យពន្លឺចូលទេ នោះអ្នកនឹងបាត់បង់ឧកាសល្អនេះមិនខាន។

៣. មិនរៀបចំកន្លែងគេងឲ្យស្អាតឡើងវិញ

ស្តាប់ទៅដូចជាគួរឲ្យអស់សំណើចណាស់មែនទេ? ប៉ុន្តែទម្លាប់ល្អបែបនេះអាចធ្វើឲ្យអ្នកមានអារម្មណ៍ល្អពេញមួយថ្ងៃ ដូចជាអ្នកអាចខ្ចប់អាហារល្អៗសម្រាប់ញ៉ាំពេលថ្ងៃ នៅពេលទៅធ្វើការទៀតផង។

៤. មិនថ្លឹងគីឡូរាល់ថ្ងៃ

មិនសូវមានពេលថ្លឹងគីឡូទេមែនទេ? សាកទិញជញ្ជីងមកដាក់ក្នុងបន្ទប់ហើយថ្លឹងរាល់ថ្ងៃមើល។ អ្នកនឹងអាចដឹងថាតើគោលដៅរបស់អ្នកសម្រេចដល់ចំណុចណាហើយ។

៥. ញ៉ាំអាហារពេលព្រឹកមិនត្រឹមត្រូវ

ចំណុចនេះសំខាន់ខ្លាំងណាស់ ការមិនញ៉ាំអាហារពេលព្រឹក ធ្វើឲ្យអ្នកឃ្លានហើយញ៉ាំអាហារពេលថ្ងៃនិងពេលល្ងាចច្រើន។ ស្រដៀងគ្នានេះដែរ បើអ្នកញ៉ាំអាហារពេលព្រឹកដែលមិនត្រឹមត្រូវ ដូចជាញ៉ាំតិចពេក ឬច្រើនពេក ក៏ជាកត្តាជះឥទ្ធិពលដូចគ្នា។

បន្ទាប់ពីអានចំណុចទាំង៥នេះហើយ កញ្ញាសង្ឃឹមថា បំណងសម្រកគីឡូរបស់អ្នកទាំងអស់គ្នានឹងទទួលបានជោគជ័យឆាប់ៗ ៕

ប្រភព៖ Womenshealthmag ប្រែសម្រួល៖ អូន បញ្ញា