កុំព្យាយាមស្រោចស្រង់មនោសញ្ចេតនាដែលវាបាត់បង់ទៅ ព្រោះវាគ្មានន័យ
- 2018-11-12 04:56:19
- ចំនួនមតិ 0 | ចំនួនចែករំលែក 0
កុំព្យាយាមស្រោចស្រង់មនោសញ្ចេតនាដែលវាបាត់បង់ទៅ ព្រោះវាគ្មានន័យ
ខ្ញុំស្អប់អ្នកដែលព្យាយាមធ្វើជាមនុស្សប្រុសដ៏ល្អម្នាក់។
ខ្ញុំស្អប់អ្នកសម្រាប់ការមិនយកឈ្នះនៅពេលដែលខ្ញុំព្យាយាមរើសយកផ្លូវមួយ។ ខ្ញុំស្អប់អ្នកនៅពេលអ្នកព្យាយាមធ្វើឲ្យខ្ញុំស្រួលចិត្ត ធ្វើល្អចំពោះខ្ញុំនៅពេលដែលខ្ញុំគ្មានអារម្មណ៍អីទៀតសោះ។ ខ្ញុំស្អប់អ្នកសម្រាប់ជាមនុស្សតែម្នាក់គត់ដែលសុំទោសខ្ញុំនៅពេលខ្ញុំអស់ការលើកលែងឲ្យអ្នក។ ខ្ញុំស្អប់អ្នកសម្រាប់ការព្យាយាមធ្វើដូចគ្មានរឿងអីកើតឡើងរវាងពួកយើងទាំងពីរ ទាំងការពិតពួកយើងព្យាយាមធ្វើពុតដាក់គ្នា។ ខ្ញុំស្អប់អ្នកសម្រាប់ការព្យាយាមសង្គ្រោះមនោសញ្ចេតនាពួកយើងនៅពេលដែលខ្ញុំសម្រេចចិត្តថាបែកពីអ្នក។
ខ្ញុំមិនដឹងថាត្រូវប្រាប់អ្នកយ៉ាងម៉េចឲ្យអ្នកយល់នោះទេ ប៉ុន្ដែខ្ញុំពិតជាលែងស្រឡាញ់អ្នកទៀតហើយ។ ខ្ញុំមានអារម្មណ៍ថាអារម្មណ៍ពេញចិត្តដែលខ្ញុំមានសម្រាប់អ្នកវាបានរសាត់ទៅតាមខ្យល់អស់ទៅហើយ។ខ្ញុំនៅតែអាចចងចាំថ្ងៃដែលខ្ញុំស្រលាញ់អ្នកយ៉ាងជ្រាលជ្រៅ នៅពេលដែលខ្ញុំគិតថាអ្នកគឺជាមនុស្សម្នាក់គត់សម្រាប់ខ្ញុំ។ ខ្ញុំអាចនឹកចាំពីពេលវេលាដែលខ្ញុំបានចំណាយពេលនៅសល់នៃជីវិតរបស់ខ្ញុំជាមួយអ្នក។ ខ្ញុំអាចចាំបានថាខ្ញុំសប្បាយរីករាយណាស់នៅពេលនោះ។
ប៉ុន្តែពេលនេះខ្ញុំមិនអាចចងចាំអារម្មណ៍នេះបានទៀតទេមិនថាខ្ញុំខំប្រឹងយ៉ាងខ្លាំងប៉ុណ្ណាក៏ដោយ។ អ្នកដឹងថាខ្ញុំបានព្យាយាម ប៉ុន្តែខ្ញុំមិនអាចបោកបញ្ឆោតខ្លួនឯងបានទៀតទេ ខ្ញុំពិតជាអស់ចិត្តស្រឡាញ់ចំពោះអ្នកមែន។ ដូច្នេះខ្ញុំបានសម្រេចថានឹងឈប់ធ្វើខ្លួនបែបនេះទៀតហើយ ខ្ញុំជឿថានេះគ្រាន់តែជាដំណាក់កាលមួយដែលគ្រប់ទំនាក់ទំនងសោះកក្រោះដ៏យូរអង្វែងមួយដែលត្រូវឆ្លងកាត់ព្រោះខ្ញុំលែងមានភាពអត់ធ្មត់រង់ចាំការស្រឡាញ់អ្នកតបស្នងមកលើខ្ញុំវិញហើយ។
មួយរយៈធំដែលនៅជាមួយអ្នក ធ្វើឱ្យខ្ញុំដឹងថាយើងមិនអាចបោះជំហានទៅរកអនាគតជាមួយគ្នាឡើយ។
គួរឲ្យស្ដាយដែរព្រោះពួកយើងបានសាងទំនាក់ទំនងនេះយូរហើយដែរ ប៉ុន្តែវាក៏ត្រូវចប់ត្រឹមនេះដោយសារតែការមិនចេះថែរក្សា មិនចេះយល់ពីគ្នា ថាម្នាក់ៗត្រូវការអី។ យ៉ាងណាក៏ពេលនេះខ្ញុំដឹងថាពិភពលោករបស់ខ្ញុំលែងមើលឃើញអ្នកនៅក្នុងនោះទៀតហើយ។
ហេតុនេះហើយបានជាខ្ញុំស្អប់អ្នក។ ខ្ញុំស្អប់នៅការមិនចុះសម្រុងគ្នាបែបដូចយើងរាល់ថ្ងៃណាស់។ ខ្ញុំមិនចង់ក្លាយជាមនុស្សចិត្តដាច់ទេ ប៉ុន្តែទម្រាំមកដល់ដំណាក់កាលនេះគឺខ្ញុំមានតែពាក្យថា«ឆ្អែត»។
មកដល់ចំណុចនេះហើយអ្នកមិនចាំបាច់ព្យាយាមផ្សះផ្សា ឬស្រោចស្រង់អីឲ្យដូចពីមុនទៀតនោះទេ ព្រោះវាគ្មានន័យអីទាំងអស់។
អ្នកមិនចាំបាច់ផ្ដល់ក្ដីស្រឡាញ់ ការយកចិត្តទុកដាក់មកលើខ្ញុំនៅពេលនេះទេ ព្រោះទោះអ្នកល្អជាងនេះ ១០០ដងក៏ខ្ញុំលែងត្រូវការដែរ។
កុំព្យាយាមធ្វើជាមនុស្សប្រុសល្អនៅពេលដែលខ្ញុំអស់ស្រឡាញ់អ្នក ព្រោះខ្ញុំអ្នកលែងជាអ្វីដែលខ្ញុំមើលឃើញក្នុងកែវភ្នែកទៀតហើយ៕
ចុចអាន៖ប្រហែលមកពីពួកយើងស្រឡាញ់គ្នាយូរទៅៗ ទើបភាពសោះកក្រោះក៏កាន់តែខ្លាំងឡើងៗ