កុំកុំ រងការរិះគន់ខ្លាំងក្រោយធ្វើឲ្យភាពយន្តបោះទុន២០លានដុល្លារបរាជ័យ
- 2018-11-12 02:43:59
- ចំនួនមតិ 0 | ចំនួនចែករំលែក 0
កុំកុំ រងការរិះគន់ខ្លាំងក្រោយធ្វើឲ្យភាពយន្តបោះទុន២០លានដុល្លារបរាជ័យ
ក្រុមហ៊ុនផលិតភាពយន្តបានឲ្យដឹងថា អាកប្បកិរិយាមិនព្រមសហការជាមួយក្រុមការងាររបស់កំពូលតារាសម្ដែងចិន Donnie Yen គឺជាកត្តាដែលធ្វើឲ្យភាពយន្ត “Ice Man” ទទួលបរាជ័យធ្ងន់ធ្ងរបែបនេះ។
កាលពីដើមខែវិច្ឆិកាកន្លងទៅនេះ ខ្សែភាពយន្តថ្មីបំផុតរបស់តារាសម្ដែងប្រុសជើងចាស់ចិន Donnie Yen រឿង “Ice Man” ត្រូវបានដាក់បញ្ចាំងនៅប្រទេសចិន។ យ៉ាងណាក្ដី រឿងនេះមិនទទួលបានគាំទ្រពីទស្សនិកជនច្រើននោះទេ។ ពោលគឺរឿងនេះត្រូវខាតឡុងចុងខ្លាំង។ មិនសុខចិត្តនឹងប្រការនេះ ក្រុមហ៊ុន Shaw Organisation ដែលជាអ្នកផលិតរឿងខាងលើបានបង្ហោះសាររិះគន់ចំពោះ កុំកុំ ដែលពួកគេបន្ទោសថាលោកគឺជាមូលហេតុធ្វើឲ្យរឿងបរាជ័យ។ នៅក្នុងសារនេះ ពួកគេបានលើកឡើងថា៖ តារាវ័យ៥៥ឆ្នាំវាយវាយឫកឆ្មើងឆ្មៃពេលសម្ដែង ដូចជាមិនព្រមពាក់សក់ដែលក្រុមការងារត្រៀមសម្រាប់លោក ផ្លាស់ប្ដូរប៉ារ៉ូលតាមតែចិត្តខ្លួនឯង និងកែប្រែសាច់រឿងស្រេចតែចិត្ត។
ប្រឈមមុខនឹងមតិរិះគន់នេះ តារាកើតឆ្នាំ១៩៦៣ បានតបវិញថា ខ្លួនមិនបានលូកដៃចូលកែប្រែសាច់រឿងអ្វីទាំងអស់។ មូលហេតុដែលនាំឲ្យរឿងបរាជ័យគឺមកពីសមត្ថភាពអ្នកដឹកនាំរឿងមិនដល់។ មិនត្រឹមតែប៉ុណ្ណោះ លោកថែមទាំងទម្លាយថា ក្រុមការងារនេះមិនទាន់ឲ្យលុយតម្លៃខ្លួនរបស់លោកគ្រប់ផង។ គួរបញ្ជាក់ផងដែរថា “Ice Man” ត្រូវបានបោះទុន២០០លានដុល្លារហុងកុង (២០,៥លានដុល្លារ) និងមានការចូលរួមសម្ដែងពីតារាល្បីឈ្មោះជាច្រើន តែដោយសារមានទស្សនិជនតិចពេក រឿងនេះអាចត្រូវឈប់បញ្ចាំងមុនកំណត់៕