បានល្បីឈ្មោះ Dilraba ចង់ចាកចោលអ្នកជួយផ្ចុងផ្ដើម ព្រោះមានប៉ាធម៌

2018-11-11 02:47:10
ចំនួនមតិ 0 | ចំនួនចែករំលែក 0

ពាក្យចចាមអារ៉ាមជាច្រើនបានផុសឡើងថា តារាសម្ដែងស្រីវ័យក្មេងកំពុងឡើងកូដ Dilraba កំពុងមានលោកធំជាខ្នងបង្អែកខាងក្រោយ ទើបទទួលបានសុទ្ធតែពានកិត្តិយសរយៈពេលក្រោយនេះ។

កន្លងមកនេះ អ្នកណាក៏ដឹងដែរថា តារាសម្ដែងស្រីស្រករក្រោយល្បីឈ្មោះចិន Dilraba គឺជាសិល្បករមួយរូបដែលស្ថិតក្រោមការគ្រប់គ្រងរបស់ក្រុមហ៊ុន Jay Walk ដែលជាក្រុមហ៊ុនរបស់តារាសម្ដែងស្រីជួរមុខ Yang Mi។ យ៉ាងណាក្ដី មុននេះបន្តិច បណ្ដាញព័ត៌មានក្នុងស្រុកបានរាយការណ៍ថា នៅពេលនេះ Dilraba ចង់ចាកចោលទ្រនំដែលនាំមកភាពល្បីឈ្មោះដល់ខ្លួនហើយ។

ជាក់ស្ដែង មានប៉ាធម៌ម្នាក់ដែលជាអ្នកមានឥទ្ធិពលមួយរូបសុខចិត្តចេញលុយជាច្រើនឲ្យនាងដើម្បីបញ្ចប់កុងត្រាជាមួយ Yang Mi មុនពេលកំណត់។

ទង្វើនេះត្រូវគេលើកឡើងថា ជាសកម្មភាពផឹកទឹកមិនស្គាល់ប្រភព ត្បិតទម្រាំមានថ្ងៃនេះ គឺ Yang Mi បានជួយស្រីស្អាតវ័យ២៦ឆ្នាំមិនតិចឡើយ ដូចជាជួយឲ្យនាងបានសម្ដែងក្នុងរឿង "និស្ស័យស្នេហ៍៣ជាតិ" ជាដើម។ មិនត្រឹមតែប៉ុណ្ណោះ ប្រភពដដែលបានឲ្យដឹងថា បើតាមសមត្ថភាពរបស់តារាកើតឆ្នាំ១៩៩២ នៅយូរណាស់ទើបដណ្ដើមបានពានមាស Golden Eagle Award តែដោយសារឥទ្ធិពលនៃប៉ាធម៌ ទើបធ្វើឲ្យនាងវ៉ាមុខរៀមច្បងជាច្រើន ហើយយកបានពាននេះ។

គ្រាន់តែលេចឮព័ត៌មានមានប៉ាធម៌ភ្លាម តួរឿង "Eternal Love” ក៏ត្រូវបានគេប្រកាសថា នឹងជំនួសតំណែងរបស់តារាចម្រៀងប្រុស Tao ដើម្បីក្លាយជាពិធីការិនីរបស់កម្មវិធី "Produce 101” រដូវកាលថ្មីភ្លែត ធ្វើឲ្យពាក្យចចាមអារ៉ាមកាន់តែត្រូវគេជឿជាងមុនទៀត៕

ចុចអាន៖ ត្រូវគេបិទទីផ្សារភាគហ៊ុន ត្រចៀកកាំនៅតែជាប់ជាកំពូលមហាសេដ្ឋីដែលមានឡើងពីបាតដៃទទេ

ប្រភព៖ Kenh14 ប្រែសម្រួល៖ Caramel