ទម្លាយភាពភ័យខ្លាច ៦ យ៉ាងដែលប្រុសៗមិនហ៊ាននិយាយចេញ
- 2018-11-07 07:04:21
- ចំនួនមតិ 0 | ចំនួនចែករំលែក 0
ទម្លាយភាពភ័យខ្លាច ៦ យ៉ាងដែលប្រុសៗមិនហ៊ាននិយាយចេញ
តើវាជាការពិតមែនឬអត់ដែលមនុស្សប្រុសមានអាថ៌កំបាំងភ័យខ្លាចលាក់ទុកក្នុងចិត្ត? មនុស្សស្រីគិតថា បុរសទាំងអស់មានភាពរឹងមាំ ក្លាហាន ប៉ុន្តែនេះគ្រាន់តែជាគំនិតមួយតែប៉ុណ្ណោះ។ មនុស្សប្រុសសម័យបច្ចុប្បន្ន ទោះលក្ខណៈសម្បត្តិខាងក្រៅមើលទៅរឹងប៉ឹងយ៉ាងណា ពួកគេនៅតែខ្លាចបារម្ភ ពីរឿង៦យ៉ាងនេះបំផុត។
១. រូបរាង
មិនមែនមានតែមនុស្សស្រីទេ ដែលតមអាហារចង់បានរាងស្អាត សូម្បីតែប្រុសៗក៏ខ្លាចគេបង្អាប់រឿងដុះក្បាលពោះដែរ ដូច្នេះហើយបានជាគាត់ខំប្រឹងទៅហាត់ប្រាណ ដើម្បីបង្កើតសាច់ដុំ បានរាងសង្ហានិងមានសុខភាពល្អ។
២. លុយ
លុយជាបញ្ហាមួយ ដែលប្រុសៗបារម្ភជាងគេ ព្រោះគាត់គិតថាខ្លួនត្រូវមានទំនួលខុសត្រូវខ្ពស់ សម្រាប់ការរកចំណូលនាពេលអនាគត រហូតដល់ថ្នាក់ អ្នកខ្លះអត់លុយគឺមិនហ៊ានយកសង្សារតែម្តង ដោយសារខ្លាចគ្មានសមត្ថភាពគ្រប់គ្រាន់សម្រាប់ចាយវាយ នៅពេលមានស្នេហា។ យ៉ាងណាមិញ មនុស្សស្រីត្រូវការបំផុតគឺ ការព្រួយបារម្ភនិងការយកចិត្តទុកដាក់ពីអ្នក។ បើជួបនរណាដែលជាមនុស្សមុខលុយ គួរកុំខ្ជះខ្ជាយពេលវេលាជាមួយអីល្អជាង។
៣. កម្ពស់
មនុស្សប្រុសណា ក៏ប្រាថ្នាចង់បានកម្ពស់ខ្ពស់សង្ហាដែរ ប៉ុន្តែចំពោះនារីៗខ្លះ នាងមិនខ្វល់ខ្វាយពីរឿងកម្ពស់ខ្ពស់ឬទាបឡើយ សំខាន់ឲ្យតែមានភាពស្មោះត្រង់ ក៏គ្រប់គ្រាន់សម្រាប់នាងណាស់ទៅហើយ ដូច្នេះប្រុសៗដែលមិនសូវខ្ពស់ គ្មានអ្វីត្រូវបារម្ភទៀតដែរ ព្រោះទំហំនៃរូបរាងកាយ មិនអាចប្រៀបស្មើនឹងទំហំបេះដូងបានឡើយ។
៤. ខ្លាចអ្នកផ្សេងមកដណ្តើមសង្សាររបស់ខ្លួន
ទោះបីប្រចណ្ឌបារម្ភខ្លាចមានអ្នកផ្សេងដណ្តើមយកសង្សាររបស់ខ្លួនទៅបាត់ ក៏គាត់មិនសូវហ៊ាននិយាយរករឿងដូចស្រីៗដែរ ប៉ុន្តែក្នុងចិត្តខ្វល់ខ្វាយគិតវែងឆ្ងាយ ប្រៀបធៀបខ្លួនឯងជាមួយគូប្រជែង ដោយសារខ្លាចបាត់បង់អ្នក។ ដំណោះស្រាយល្អបំផុត មានតែពន្យល់គាត់ ថាអ្នកគ្មានថ្ងៃទៅចោលគាត់ឡើយ នោះទើបគ្មានមន្ទិលសង្ស័យតទៅទៀត។
៥. មិនហ៊ានបង្ហាញពីអារម្មណ៍ពិត
កូនប្រុសដើមទ្រូង៥ហត្ថ មិនត្រូវយំដាច់ខាត មួយឃ្លានេះគាត់ធ្លាប់ឮទាំងពីតូចមកម្ល៉េះ ដោយសារឪពុកម្តាយចង់ឲ្យកូនប្រុស រឹងមាំ អាចការពារគ្រួសារបាន។ ចំណុចនេះហើយដែលធ្វើឲ្យបុរស មិនក្លាហានបង្ហាញពីអារម្មណ៍ពិត ព្រោះខ្លាចគេថាចោទថា ជាមនុស្សប្រុសទន់ខ្សោយ។
៦. ទំនាក់ទំនងជាមួយសង្សារ
បុរសដែលមានភាពស្មោះត្រង់ តែងតែគិតគូរពីទំនាក់ទំនងរវាងមនុស្សជាទីស្រលាញ់។ គាត់មិនមែនជាមនុស្សលេងសើច យកអ្នកទុកគ្រាន់កំដរអារម្មណ៍ឡើយ។ គាត់ចង់រក្សាស្នេហាមួយនេះ ឲ្យបានគង់វង្ស មានភាពច្បាស់លាស់ កាន់ដៃគ្នារហូតដល់ចាស់។
ចុចអានបន្ត៖