រមណីយដ្ឋានថ្មីនៅមិនឆ្ងាយពីអង្គរវត្ត អាចអង្គុយស្ទូចត្រី និងមានកន្លែងថតរូបស្អាតៗ
- 2018-11-07 04:07:10
- ចំនួនមតិ 0 | ចំនួនចែករំលែក 0
រមណីយដ្ឋានថ្មីនៅមិនឆ្ងាយពីអង្គរវត្ត អាចអង្គុយស្ទូចត្រី និងមានកន្លែងថតរូបស្អាតៗ
រមណីយដ្ឋានមួយមានឈ្មោះថា ភូមិបង្កងនាគ បានបើកសម្ពោធជាផ្លូវការ នៅថ្ងៃទី១០ ខែកញ្ញា ឆ្នាំ២០១៨ កន្លងទៅថ្មីៗនេះ។ នៅក្នុងភូមិបង្កងនាគ មានរៀបចំសួនច្បារចម្រុះពណ៌ស្រស់បំព្រងប្លែកភ្នែក មានអាងចិញ្ចឹមត្រីក្រហម ដែលអនុញ្ញាតឲ្យភ្ញៀវស្ទូចលេង និងអាចយកទៅឲ្យចុងភៅចម្អិនដោយត្រូវគិតថ្លៃ៣០០០០រៀលក្នុងមួយគីឡូ។ សម្រាប់ម្ហូបកុម្ម៉ង់ផ្សេងៗទៀត គឺមានតម្លៃចាប់ពី៣ដុល្លារឡើងទៅ។
លោក Measi ជាអ្នកគ្រប់គ្រងទូទៅក្នុងរមណីយដ្ឋាននេះ បានប្រាប់មកកាន់វិបសាយ "កញ្ញា" ថា "បន្ទាប់ពីការចំណាយរយៈពេលប្រមាណ៣ខែសម្រាប់បង្កើតភូមិបង្កងនាគនេះឡើង មានភ្ញៀវទេសចរណ៍មកលេងច្រើនគួរសម រួមទាំងការថតMV ផងដែរ ក្រៅពីការផ្តល់ជូនកញ្ចុះអង្គុយសម្រាកលំហែ ក៏មានពោងលោត និងកន្លែងសម្រាប់ក្មេងលេងដោយឥតគិតថ្លៃ”។
ប្រសិនបើអ្នកមានបំណងចង់ទៅលេង ភូមិបង្កងនាគ ចាប់បើកពីម៉ោង៩ព្រឹកដល់ម៉ោង៩យប់ និងមានទីតាំងស្ថិតនៅក្នុង ភូមិស្វាយធំ ឆ្លងស្ពានក្អែក៥០ម៉ែត្រ ឆ្វេងដៃផ្លូវចូលបន្ទាយទាហានភូមិភាគទី៤ ខេត្តសៀមរាប ប្រមាណ៣០នាទី បើជិះពីប្រាសាទអង្គរវត្ត ឬអាចទំនាក់ទំនងតាមលេខទូរសព្ទ ០៨៦ ៨៦១ ៨២៦៕
ចុចអានបន្ត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
